ଆଉ ଦେଶଛାଡି ଯାଇ ପାରିବେନି ପଳାତକ । ପଳାୟନ କରୁଥିବା ଅପରାଧିଙ୍କୁ ରୋକିବା ପାଇଁ ଲଞ୍ଚ ହେଲା ଭାରତପୋଲ । କେନ୍ଦ୍ର ଗୃହମନ୍ତ୍ରୀ ଅମିତ ଶାହା ମଙ୍ଗଳବାର ଦିନ ସିବିଆଇ ଦ୍ୱାରା ପ୍ରସ୍ତୁତ ଭରତପୋଲ ପୋର୍ଟାଲ ଲଞ୍ଚ କରିଛନ୍ତି। ଏହା ରାଜ୍ୟ ପୋଲିସ ବାହିନୀ ଏବଂ ଅନ୍ୟାନ୍ୟ କେନ୍ଦ୍ରୀୟ ଆଇନ ପ୍ରଣୟନକାରୀ ସଂସ୍ଥାକୁ ଇଣ୍ଟରପୋଲ ମାଧ୍ୟମରେ ଆନ୍ତର୍ଜାତୀୟ ପୋଲିସକୁ ସାହାଯ୍ୟ କରିବାକୁ ସୂଚନା ବାଣ୍ଟିବାକୁ ଅନୁମତି ଦେବ । ସିବିଆଇ ହେଉଛି ଦେଶର ଜାତୀୟ କେନ୍ଦ୍ରୀୟ ବ୍ୟୁରୋ, ଯାହା ଇଣ୍ଟରପୋଲ ସମ୍ବନ୍ଧୀୟ ମାମଲା ପାଇଁ ଦାୟୀ ।ଏହି ମାମଲା ସହ ଜଡିତ ଅଧିକାରୀମାନେ ଭରତପୋଲ ବିଷୟରେ କହିଛନ୍ତି ଯେ ନୂତନ ଅନଲାଇନ୍ ପ୍ଲାଟଫର୍ମ ଭରତପୋଲ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ ତଥା କେନ୍ଦ୍ରୀୟ ଅନୁସନ୍ଧାନକାରୀ ଏଜେନ୍ସିର ପୋଲିସ୍ ଫୋର୍ସକୁ ବିଦେଶରେ ଲୁଚି ରହିଥିବା କିମ୍ବା ଅନ୍ୟ ମାମଲାରେ ଲୁଚି ରହିଥିବା ଇଣ୍ଟରପୋଲରୁ ସୂଚନା ପାଇବା ସହଜ କରିବ। ଏହା ମାଧ୍ୟମରେ ଅନୁରୋଧ ଶୀଘ୍ର ପଠାଯାଇପାରିବ । ଭରତପୋଲର ଶୁଭାରମ୍ଭ ଅବସରରେ ଗୃହମନ୍ତ୍ରୀ ଅମିତ ଶାହା କହିଛନ୍ତି, “ଭାରତପୋଲ ଆରମ୍ଭ ହେବା ପରେ ଦେଶର ସମସ୍ତ ପୋଲିସ ଏବଂ ଏଜେନ୍ସି ତୁରନ୍ତ କାର୍ୟ୍ୟାନୁଷ୍ଠାନ ଗ୍ରହଣ କରିପାରିବେ। ଏହି ପୋର୍ଟାଲ ଦେଶର ଅନୁସନ୍ଧାନକୁ ଏକ ନୂତନ ଯୁଗରେ ଗ୍ରହଣ କରିବ ବୋଲି ସେ କହିଛନ୍ତି।
ଭାରତପୋଲ ହେଉଛି ଏକ ସାଧାରଣ ପୋର୍ଟାଲ। ଏହି ପୋର୍ଟାଲ ମାଧ୍ୟମରେ ଯେକୌଣସି ପ୍ରକାର ଆତଙ୍କବାଦୀ ଘଟଣା, ଗୁରୁତର ଅପରାଧ, ନାର୍କୋ ଓ ସାଇବର ଅପରାଧରେ ଓ୍ୱାଣ୍ଟେଡ ଅପରାଧୀଙ୍କ ନିକଟରେ ପହଞ୍ଚିବା ସହଜ ହେବ। ଏହି ପୋର୍ଟାଲରେ ସିବିଆଇ, ଇଡି, ଏନଆଇଏ ଏବଂ ସମସ୍ତ ରାଜ୍ୟର ପୁଲିସ ଭଳି ସମସ୍ତ ଅନୁସନ୍ଧାନକାରୀ ସଂସ୍ଥା ସାମିଲ ହେବେ। ଏମାନେ ପରସ୍ପର ସହ କନେକ୍ଟେଡ୍ ରହିବେ।ଏହି ପୋର୍ଟାଲ ଆରମ୍ଭ କରିବାର ଉଦ୍ଦେଶ୍ୟ ହେଉଛି ଇଣ୍ଟରପୋଲ ସହିତ ଭାରତୀୟ ସୁରକ୍ଷା ଏଜେନ୍ସିର ସମନ୍ୱୟକୁ ସହଜ କରିବା। ବର୍ତ୍ତମାନ ରାଜ୍ୟଗୁଡିକର ପୁଲିସ ମଧ୍ୟ ଏହାର ଲାଭ ଉଠାଇ ପାରିବେ। ଏହି ପୋର୍ଟାଲ ମାଧ୍ୟମରେ ସେମାନେ କୌଣସି ଅପରାଧୀଙ୍କ ବିଷୟରେ ସୂଚନା ପାଇଁ ସିଧାସଳଖ ଇଣ୍ଟରପୋଲକୁ ଅନୁରୋଧ କରିପାରିବେ। ପୂର୍ବରୁ ରାଜ୍ୟମାନଙ୍କୁ ଏଥିପାଇଁ ପ୍ରଥମେ ସିବିଆଇକୁ ଆବେଦନ କରିବାକୁ ପଡୁଥିଲା। ସିବିଆଇ ଏହାକୁ ଇଣ୍ଟରପୋଲକୁ ପଠାଉଥିଲା। କିନ୍ତୁ ବର୍ତ୍ତମାନ ଏହି କାର୍ୟ୍ୟକୁ ସିଧାସଳଖ କରାଯିବ।ସାଧାରଣତଃ ରୂପେ ଓ୍ୱାଣ୍ଟେଡ୍ ଅପରାଧୀମାନେ ଆତଙ୍କବାଦୀ କାର୍ୟ୍ୟକଳାପ, ସାଇବର ଅପରାଧ, ବ୍ୟାଙ୍କ ଠକେଇ ଇତ୍ୟାଦି ଯେକୌଣସି ପ୍ରକାର ଅପରାଧ କରି ଦେଶ ଛାଡି ବିଦେଶ ପଳାୟନ କରନ୍ତି। ସେଠାରେ ବସି ଭାରତ ବିରୋଧରେ ରଚନ୍ତି ଷଡ଼ଯନ୍ତ୍ର। ଏବେ ଏମାନଙ୍କ ଉପରେ ଏହି ଭାରତପୋଲ ପୋର୍ଟଲ ଜରିଆରେ ଲଗାମ ଲଗାଇ ହେବ।
