ମୁମ୍ବାଇ : ୨୦୨୨ ଥିଲା ବଲିଉଡ ସେଲିବ୍ରିଟିଙ୍କ ପାଇଁ ବହୁତ ସ୍ପେଶାଲ । କାରଣ ଏହି ବର୍ଷ ଅନେକ କପଲ୍ ପିତା ମାତା ହେବାର ସୌଭାଗ୍ୟ ହାସଲ କରିଛନ୍ତି । ଆଲିଆ ଭଟ୍ଟ- ରଣବୀର କପୁର ଏବଂ ବିପାଶା ବସୁ-କରଣ ସିଂ ଗ୍ରୋଭରଙ୍କ ନାମ ସମେତ ଅନେକ ବଲିଉଡ ସେଲିବ୍ରିଟି ଏହି ଲିଷ୍ଟରେ ରହିଛି । ଯଦିଓ ସେଲିବ୍ରିଟିମାନେ ସେମାନଙ୍କ ପିଲାମାନଙ୍କର ଚେହେରାକୁ ମିଡିଆ ଏବଂ ପ୍ରଶଂସକଙ୍କ ଆଖିରୁ ଲୁ•ଇ ରଖିଛନ୍ତି । ହେଲେ ଅଭିନେତ୍ରୀ ବିପାଶା ବସୁ କିନ୍ତୁ ତାଙ୍କ ଝିଅର ମୁହଁକୁ ସାର୍ବଜନୀନ କରିଛନ୍ତି ।ଡେରିରେ ହେଉ ପଛେ ଫ୍ୟାନ୍ସ ମାନଙ୍କ ପାଇଁ ସେ ସେୟାର କରିଛନ୍ତି ଦେବୀଙ୍କ ଫାଷ୍ଟଲୁକ୍ ।
ନିଜ ଇନଷ୍ଟା ହ୍ୟାଣ୍ଡେଲରେ ସେ ସେୟାର କରିଛନ୍ତି ପ୍ରଥମ ଫଟୋ । ଯେଉଁଥିରେ ଦେବୀ ହେଡବ୍ୟାଣ୍ଡ ସହିତ ପେଷ୍ଟେଲ ଗୋଲାପୀ ରଙ୍ଗର ପୋଷାକ ପିନ୍ଧି ବହୁତ ସୁନ୍ଦର ଦେଖାଯାଉଛନ୍ତି । ଖାଲି ସୁନ୍ଦର ହସିଲା ହସିଲା ମୁହଁ ତାଙ୍କ କ୍ୟୁଟନେସ୍କୁ ଡବଲ କରିଛି ।ଯଦିଓ ଏହା ପ୍ରଥମ ନୁହେଁ ଯେ ବିପାଶା ବସୁ ଏବଂ ତାଙ୍କ ସ୍ୱାମୀ କରଣ ସିଂ ଗ୍ରୋଭର ନିଜ ଝିଅର ଭିଡିଓ କିମ୍ବା ଚିତ୍ର ସେୟାର ପୂର୍ବରୁ ଝିଅକୁ ଧରି ଯା ଆସ କରୁଥିବାର ନଜର ଆସିଥିଲେ ।