ବରୀ/ସତ୍ୟଜିତ ବାରିକ: ଆଜି ବରୀ ବ୍ଲକ ସ୍ଥିତ ସ୍ୱାଇଁଖଣ୍ଡ ପଞ୍ଚାୟତ ଖରିପଡ଼ିଆ କଲ୍ୟାଣ ମଣ୍ଡପ ଠାରେ ବରୀ ଯୁବ ବିଜେଡ଼ି ତରଫରୁ ଏକ ସମ୍ବର୍ଦ୍ଧନା ଓ କର୍ମଶାଳା ଅନୁଷ୍ଠିତ ହୋଇଯାଇଅଛି। ଉକ୍ତ କାର୍ୟ୍ୟକ୍ରମରେ ବରୀ ବ୍ଲକ ଯୁବ ବିଜେଡ଼ି ସଭାପତି ରଞ୍ଜନ କୁମାର ପଣ୍ଡା ସଭାପତିତ୍ୱ କରିଥିବା ବେଳେ ଜିଲ୍ଲାପରିଷଦ ସଭ୍ୟ ଅଶୋକ କୁମାର ସାମଲ ସଭା ପରିଚାଳନା କରିଥିଲେ। ସଭା କାର୍ୟ୍ୟ ଆରମ୍ଭ ପୂର୍ବରୁ ବରୀ ବିଧାୟିକା ସୁନନ୍ଦା ଦାସ, ବରୀ ବ୍ଲକ ବିଜେଡି ସଭାପତି କେଦାର ସାମଲ, ବିଜେଡି ସଂଯୋଜକ ଦେବେନ୍ଦ୍ର ଦାସ, ମହିଳା ବିଜେଡି ସଭାନେତ୍ରୀ ଯୋତ୍ସ୍ନାରାଣୀ ନାଥଶର୍ମା ପ୍ରାକ୍ତନ ବରୀ ବ୍ଲକ ଅଧ୍ୟକ୍ଷ ନୀଳମଣି ସାମଲ, ସରପଞ୍ଚ କିରଣ ବାଳା ଜେନା, ଛାତ୍ର ବିଜେଡ଼ି ସଭାପତି ସଦିଚ୍ଛା ସାମଲ, ପ୍ରାକ୍ତନ ସରପଞ୍ଚ ହେମନ୍ତ ନାୟକ, ଦଳିତ ନେତା ଦୁଷ୍ମନ୍ତ କୁମାର ସେଠୀ, ଉମେଶ ଦାସ, ସରପଞ୍ଚ ସମୀର ମଲ୍ଲିକ, ହରିହର ପଣ୍ଡା, ରମାକାନ୍ତ ମଲ୍ଲିକ, ସନ୍ତୋଷ ସାମଲ, ପ୍ରମୁଖ ଙ୍କୁ ସମ୍ବର୍ଦ୍ଧିତ କରାଯାଇଥିଲା। ବରି ବିଧାୟିକା ସୁନନ୍ଦା ଦାସ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।
ଏହି ମାଟିର ବିକାଶ କ୍ଷେତ୍ରରେ ମହିଳା ସଂଗଠନ, ଯୁବ ସଂଗଠନ ଓ ଛାତ୍ର ସଂଗଠନର ପ୍ରମୁଖ ଭୂମିକା ରହିଛି। ଯେଉଁ ମାନଙ୍କ ଅଦମ୍ୟ ପ୍ରଚେଷ୍ଟା ଓ ସହଯୋଗ ପାଇଁ ଆଜି ବରୀ ନିର୍ବାଚନ ମଣ୍ଡଳୀରେ ବିଜୁ ଜନତା ଦଳ ତାର ବିଜୟର ବାନା ଉଡ଼ାଇ ପାରିଛି। ଆଗାମୀ ପଞ୍ଚାୟତ ନିର୍ବାଚନ ରେ ଏହି ସଙ୍ଗଠନ ଗୁଡ଼ିକ ଏକ ପ୍ରମୁଖ ଭୂମିକା ଗ୍ରହଣକରିବ ଏଥିରେ ଦ୍ଵିମତ ହେବାର ନାହିଁ। ଏହି ଅଞ୍ଚଳର ଗୁରୁଜନ ମାନଙ୍କର ଆଶିର୍ବାଦ କେବଳ ମୋ ଉପରେ ନୁହେଁ ବରୀ ଅଞ୍ଚଳ ବାସୀ ଙ୍କ ଉପରେ ରହିଛି ବୋଲି ମତ ରଖିଥିଲେ। ଆଗାମୀ ପଞ୍ଚାୟତ ନିର୍ବାଚନ ରେ ବିଜୁ ଜନତା ଦଳ ନିଶ୍ଚିତ ଭାବେ ସମିତି ଗଠନ କରିବ ବୋଲି ଦୃଢୋକ୍ତି ପ୍ରକାଶ କରିଛନ୍ତି। ଉକ୍ତ କାର୍ଯ୍ୟକ୍ରମରେ ବରୀ ବ୍ଲକର ୨୯ ଗୋଟି ପଞ୍ଚାୟତ ର ଯୁବ ବିଜେଡ଼ି କର୍ମକର୍ତ୍ତା ମାନେ ଯୋଗ ଦେଇଥିଲେ ଆଜିର କାର୍ୟ୍ୟକ୍ରମ ସଫଳ ହୋଇଥିବା ରୁ ବରୀ ବ୍ଲକ ଯୁବ ଜନତା ଦଳ ସଭାପତି ରଞ୍ଜନ କୁମାର ପଣ୍ଡା ବରୀ ବିଧାୟିକା ଙ୍କୁ କୃତଜ୍ଞତା ସହ ଉପସ୍ଥିତ କର୍ମୀ ମାନଙ୍କୁ ଧନ୍ୟବାଦ ଜଣାଇଥିଲେ।