ବ୍ରହ୍ମଗିରୀ/ ସୁଜିତ୍ କୁମାର ସାହୁ: ପୁରିଜିଲ୍ଲା ସଦରବ୍ଲକ୍ ଅନ୍ତର୍ଗତ ଗୋକୁଳ ପୁର ନିକଟସ୍ଥ ଭାର୍ଗବି ନଦୀପଠାରୁ ଏକ ଯୁବକଙ୍କ ମୃତଦେହ ଉଧାର କରିଛି ସଦର ଥାନା ପୋଲିସ। ଯୁବକ ଜଣକ ହେଉଛନ୍ତି ପରମାନନ୍ଦ ପୁର ଗ୍ରାମର ମାନସ ପ୍ରଧାନ। ମାନସ ଗତ୬ ତାରିଖରୁ କେଉଁଆଡେ ନିଖୋଜ ଥିଲେ।ପରଦିନ ନିକଟସ୍ଥ ପଥରପଦା ମେଳନ ପଡିଆ ରୁ ମନୋଜଙ୍କ ବାଇକ ମିଳିଥିଲା। ଖୋଜାଖୋଜି କରିବାପରେ ଏ ନେଇ ସଦର ଥାନାରେ ଏକ ଲିଖିତ ଏତେଲା ଦେଇଥିଲେ ପରିବାର । ଆଜି ଭାର୍ଗବିନଦୀ ପଠାରେ ମନୋଜଙ୍କ କ୍ଷତବିକ୍ଷତ ମୃତଦେହ ପଡିଥିବା ଦେଖି ପୋଲିସକୁ ଖବର ଦେଇଥିଲେ ସ୍ଥାନିୟ ଲୋକେ। ଘଟଣାସ୍ଥଳରେ ସଦରଥାନା ପୋଲିସ ପହଞ୍ଚି ମୃତଦେହ ଜବତ କରିବା ସହ ସାଇଁଟିଫିକ ଟିମ୍ ସହାୟତା ରେ ଘଟଣାର ଛାନବିନ ଚଳାଇଛିା। ମୃତ ଦେହରେ ଏକାଧିକ କ୍ଷତଚିହ୍ନ ଥିବାରୁ ,ମନୋଜଙ୍କୁ ଯୋଜନାବଧକ ଭାବେ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ପରିବାର ଲୋକେ।
