ବିଷମ କଟକ/ ରବିନ୍ଦ୍ର କୁମାର ସାହୁ:ରାୟଗଡା ଜିଲ୍ଲା ବିଷମ କଟକ ଥାନା ଅନ୍ତର୍ଗତ ଚାଟିକୋଣା ଗ୍ରାମ ଠାରେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ସୂଚନା ଅନୁଯାଇ ସ୍ଥାନୀୟ ଫରେଷ୍ଟ ନର୍ସରି ପରିସରରୁ ଗୁରୁବାର ଅପରାହ୍ନରେ ଏକ ମୃତ ଦେହ ଉଦ୍ଧାର କରାଯାଇଛି। ମୃତକ ଜଣକ ସ୍ଥାନୀୟ ଅଞ୍ଚଳର ନଳକୂପ ପରିଚାଳନକ ଭାବେ ନିୟୋଜିତ ହୋଇଥିବା ମୁକୁନ୍ଦ କୁମ୍ଭରିକା ବୋଲି ଜଣାଯାଇଛି । ବୁଧବ।ର ସନ୍ଧ୍ୟା ୬ରେ ନିଜ ଘରୁ କାର୍ୟ୍ୟରେ ବାହାରିଥିବା ବେଳେ ରାତ୍ରିରେ ଆଉ ଘରକୁ ଫେରିନଥିଲେ। ଆଉ ଗୁରୁବାର ଅପରାହ୍ନରେ ତାଙ୍କ ମୃତ ଦେହ ଫରେଷ୍ଟ ନର୍ସରି ପରିସରରେ ପଡିଥିବା ସ୍ଥାନୀୟ ଲୋକେ ଦେଖୀ ତାଙ୍କ ପରିବାର ଲୋକଙ୍କୁ ଓ ବିଷମ କଟକ ପୁଲିସକୁ ଖବର ଜଣାଇଥିଲେ । ଖବର ପାଇ ପୁଲିସ୍ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇବା ସହ ଅଧିକ ତଦନ୍ତ ଜରି ରଖିଛି। ଯୁବକଙ୍କ ମୃତ୍ୟୁ କେମିତି ଏବଂ କେଉଁ ପରିସ୍ଥିତିରେ ହୋଇଛି ତାହା ଜଣାପଡିନଥିବା ବେଳେ ଏହା ହତ୍ୟା ନା ଆତ୍ମହତ୍ୟା ସେନେଇ ଖୋଳତାଡ କରୁଛି ପୁଲିସ ।
