କନ୍ଧମାଳ : ବୋଲେରୋ , ପିକଅପ୍ ସହ ମୋଟର ସାଇକଲ ସହ ମୁହାଁମୁହିଁ ଧକା । ବାଇକ୍ ଚାଳକ ଘଟଣା ସ୍ଥଳରେ ମୃତ୍ୟୁ ହୋଇଛି । ଅଗ୍ନିଶମ ବାହୀନି ପହଞ୍ଚି ଉକ୍ତ ଯୁବକଙ୍କୁ ବାଲିଗୁଡା ଉପଖଣ୍ଡ ଚିକିତ୍ସାଳୟକୁ ନିଆଯାଇଥିଲା। ବାଲିଗୁଡ଼ା ପୋଲିସ୍ ଘଟଣା ସ୍ଥଳରେ ପହଞ୍ଚି ମୃତ ହୋଇଥିବା ଯୁବକଙ୍କ ଗାଁକୁ ଖବର ଦେଇଥିଲେ । ମୃତ ଯୁବକଙ୍କ ଘର ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଢୁଢୁଆ ଗ୍ରାମରେ । ମୃତ ବ୍ୟକ୍ତି ଜଣକ ସନ୍ତୋଷ ରଣା ବୋଲି ଜଣା ପଡ଼ିଛି । ମୃତ ସନ୍ତୋଷ ରଣା ଲାଞିଗଡ ବେଦାନ୍ତରେ ଫିଟର ଭାବରେ କାର୍ଯ୍ୟ କରୁଥିଲେ । ସେ ବାଇକ ଯୋଗେ ନିଜ ଗ୍ରାମ ଢୁଢୁଆକୁ ଫେରୁଥିବା ବେଳେ ବାଲିଗୁଡ଼ା ଠାରେ ଦୁର୍ଘଟଣା ଘଟିଥିଲା । ପୋଲିସ ବୋଲେରୋ ପିକ୍ ଅପ୍ ଭ୍ୟାନକୁ ଜବତ କରିବା ସହିତ ଡ୍ରାଇଭରକୁ ଅଟକ ରଖିଥିବା ଜଣାପଡିଛି । ମୃତ ଯୁବକଙ୍କ ପରିବାର ଲୋକେ ପହଁଚିଲା ପରେ ଡାକ୍ତର ପୋଷ୍ଟମର୍ଟମ କରିଥିବା ଜଣାପଡିଛି ।