ଭୁବନେଶ୍ୱର : ବରମୁଣ୍ଡା ନୂଆ ବସଷ୍ଟାଣ୍ଡରେ ବୋମା ମାଡ଼ | ଗତକାଲି ରାତି ପ୍ରାୟ 12.50 ରେ ଦୁଇଟି ବୋମାମାଡ ହୋଇଛି । ବସଷ୍ଟାଣ୍ଡ ନିକଟରେ ଥିବା ଏକ ହୋଟେଲ ଉପରକୁ ବୋମା ଫିଙ୍ଗିଛନ୍ତି ଦୁର୍ବୃତ୍ତ । ବିଳମ୍ବିତ ରାତିରେ ବୋମାମାଡ ହୋଇଛି । ଖାଇବାକୁ କେନ୍ଦ୍ର କରି ବିଳମ୍ବିତ ରାତିରେ ହୋଟେଲ ଉପରକୁ ବୋମା ମାଡ଼ ହୋଇଥିବା ଅଭିଯୋଗ | ଖାଇବା ପରେ ଟଙ୍କା ଦେବାକୁ ନେଇ ବଚସା ହୋଇଥିଲା । ଯାହା ପରେ ଘଟିଥିଲା ଏଭଳି ଘଟଣା | ବୋମାମାଡ଼ରେ ତିନି ଜଣ ଆହତ ହୋଇଥିବା ଜଣାପଡିଛି | ସେହି ୩ ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି । ସେହିପରି ଜଣକୁ ଅଟକ ରଖି ପଚରାଉଚରା କରୁଛି ପୋଲିସ । ତେବେ ବୋମା ମାଡ ସମୟର ଭିଜୁଆଲ ସିସିଟିଭିରେ କଏଦ ହୋଇଛି |
