ଗୋପ/ ଜୟନ୍ତ କୁମାର ସେଠୀ: ପୁରୀ ଜିଲ୍ଲା ନିମାପଡା କୋଠ କୋସଙ୍ଗ ବେରୁଁଅ ଗ୍ରାମରେ ଚୋରୀ । ବିଳମ୍ବିତ ରାତିରେ ଘରେ ପଶି ତାଲା ଭାଙ୍ଗି ଦୁର୍ବୁତ୍ତମାନେ ଲୁଟି ନେଲେ ଲକ୍ଷାଧିକ ଟଙ୍କା ଓ ସୁନା । ବେରୁଁଅ ଗ୍ରାମର ଭାସ୍କର ଜେନାଙ୍କ ଘରେ ସମସ୍ତେ ଶୋଇ ଥିବା ସମୟ ରେ ଘରେ ପଶି ଲକ୍ଷାଧିକ ଟଙ୍କାର ସୁନା ଅଳଙ୍କାର ସହିତ ଟଙ୍କା ଲୁଟ କଲେ ଦୁର୍ବୁତ୍ତ । ଦୁର୍ବୁତ୍ତମାନେ ଘରେ ପଶି ଆଲମାରୀ ଭାଙ୍ଗିଚୋରୀ କରିଥିବା ଅଭିଯୋଗ । ସୁନା ଅଳଙ୍କାର ଚୋରୀ କରି ଦୁର୍ବୁତ୍ତ ନେଇ ଫେରାର ହୋଇ ଯାଇ ଥିବା ବେଳେ ଅଳଙ୍କାର ଥିବା ବାକ୍ସକୁ ବାଡି ପଛ ପଟେ ଫିଙ୍ଗି ଦେଇଛନ୍ତି । ମଧ୍ୟ ରାତ୍ର ରେ ଶୌଚ ହେବା ପାଇଁ ଉଠିଥିବା ସମୟ ରେ ବାଡ଼ି ପଛ ପଟ ଗ୍ରୀଲ ଖୋଲା ଥିବା ଦେଖିବା ପରେ ଘରେ ଦୁର୍ବୁତ୍ତ ଚୋରୀ କରି ଥିବା ନେଇ ଜାଣିଥିଲେ ପରିବାର ଲୋକ । ଝିଅ ବିବାହ ପାଇଁ ସୁନା ଅଳଙ୍କାର କିଣି ଥିଲେ ପରିବାର ଲୋକେ । ପ୍ରାୟ କୋଡିଏ ଲକ୍ଷ ଟଙ୍କାର ସୁନା ଅଳଙ୍କାର ସହିତ ନଗଦ ଦେଢ଼ ଲକ୍ଷ ଟଙ୍କା ଲୁଟି ନେଲେ ଦୁର୍ବୁତ୍ତ । ଏ ନେଇ ବଳଙ୍ଗା ଥାନା ରେ ଲିଖିତ ଅଭିଯୋଗ କରିଛନ୍ତି ଲୁଟ ର ଶୀକାର ହୋଇ ଥିବା ଭାସ୍କର ଚନ୍ଦ୍ର ଜେନା।
