(ଅଜିତ ସାହୁ) ଜଳେଶ୍ୱର: ଜଳେଶ୍ୱର ପୋଲିସକୁ ପୁଣି ବଡ଼ ସଫଳତା।ପୋଲିସ ମହା ନିର୍ଦ୍ଦେଶକ ଙ୍କ ବାଲେଶ୍ୱର ଗସ୍ତ ପରେ ଜଳେଶ୍ୱର ପୋଲିସ ପୁରା ପୁରି ତତ୍ପର । ସୂଚନା ଅନୁଯାୟୀ ଗତ କାଲି ରାତିରେ ଏସଡ଼ିପିଓ ଅଙ୍କିତା କୁମ୍ଭାରୀ ଙ୍କ ନିର୍ଦ୍ଦେଶକ୍ରମେ ,ଜଳେଶ୍ଵର ଥାନା ଅଧିକାରୀ ଧନେଶ୍ୱର ସାହୁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ମହମ୍ମଦ ନଗର ପାଟଣା ଅଞ୍ଚଳ ରେ ପୋଲିସ ର ଚଢ଼ାଉ କରିଥିଲା। ଚଢ଼ାଉ ବେଳେ ୫୦ ଗ୍ରାମ ରୁ ଉର୍ଦ୍ଧ୍ବ ବ୍ରାଉନସୁଗାର ସହ ତିନି ଜଣକୁ ପୋଲିସ ଗିରଫ କରିଛି । ଗିରଫ ବ୍ୟକ୍ତି ମାନେ ହେଲେ ରାଜପୁର ଅଞ୍ଚଳର ସେକ ସାରୁଖ (୨୫), ଝାଡେଶ୍ବରପୁର ବସ୍ତି ଅଞ୍ଚଳର ସାଲଖୁ ବିନ୍ଧାଣୀ (୨୧) ଏବଂ ଭଦ୍ରକ ରୁରାଲ ଥାନା କେନ୍ଦୁଆପଦା ଗ୍ରାମର ଅଭିଜିତ ସାହୁ (୨୧)। ସେମାନଙ୍କ ନିକଟରୁ ୫୦ ଗ୍ରାମ ରୁ ଉର୍ଦ୍ଧ୍ବ ବ୍ରାଉନ ସୁଗାର ସହ ଏକ ମଟରସାଇକେଲ କୁ ଜବଦ କରିଛି ପୋଲିସ ।ଜବଦ ବ୍ରାଉନ ସୁଗାରର ଆନୁମାନିକ ବଜାର ମୂଲ୍ୟ ୫ ଲକ୍ଷରୁ ଉର୍ଦ୍ଧ୍ବ ହେବ ବୋଲି ଜଣାପଡିଛି।
