(ରାଇରଙ୍ଗପୁର / ସତ୍ୟ ନାରାୟଣ ପାଲ ): ରାଇରଙ୍ଗପୁର ଆଦର୍ଶ ଥାନା ଅନ୍ତର୍ଗତ ରାଇରଙ୍ଗପୁର ଉଚ୍ଚ ବାଳକ ବିଦ୍ୟାଳୟ ପଛ ଗଳିରୁ ଜଣେ ଯୁବକ ବ୍ରାଉନ ସୁଗାର ରଖିଥିବା ଜଣେ ଯୁବକଙ୍କୁ ଗିରଫ କରିଛି ପୋଲିସ । ଏସଡିପିଓ ସ୍ନେହାଶୀଷ ସାହୁଙ୍କ ନିର୍ଦେଶ କ୍ରମେ ରାଇରଙ୍ଗପୁର ଟାଉନଥାନା ଅଧିକାରୀଣୀ ରେଣୁବାଳା ସାହୁ ,ସବ ଇନ୍ସପେକ୍ଟର ସଂଗିତା ଦାସ ଏବଂ ଅନ୍ୟ ପୋଲିସ କର୍ମଚାରୀ କୌଣସି ସୂତ୍ରରୁ ବୁଧବାର ସକାଳ ୯.୧୫ ମିନିଟ ପାଖାପାଖି ସମୟରେ ଖବର ପାଇ ଘଟଣାସ୍ଥଳରେ ପହଂଚି ଅତର୍କିତ ଭାବେ ଯୁବକକୁ କାବୁ କରିଥିଲେ ।ତାକୁ ଥାନାକୁ ଆଣି ତା’ପାଖରୁ ୧୨ ଗ୍ରାମର ଧଳା ଜହର, ୨୦୬୯ ଟଙ୍କା,୬ଟି ଏଟିଏମ୍ କାର୍ଡ,୩ଟି ପୁରୁଣା ମୁଦ୍ରା,୧ଟି ମୋବାଇଲ,୧ଟି ସିମ୍ ଜବତ କରିଥିଲେ । ଯୁବକଙ୍କ ନାମରେ ୨୩/୨୦୨୦ ମାମଲା ରୁଜୁ କରାଯାଇଛି ।ତଦସହ୨୧ ବି ଏନ .ଡି .କେଶ ବୁକ୍ କରାଯାଇଛି ।ଯୁବକଟିର ଘର ରାଇରଙ୍ଗପୁର ପୌରାଞ୍ଚଳ ଅନ୍ତର୍ଗତ ଠାକୁରାଣୀ ବେଡା ।ଯୁବକର ନାମ ଏମଡି ଦିଲଦାର (୨୫) ପିତା ଏମଡି ଅନଓ୍ବାର । ପ୍ରଥମ ଥର କରି ରାଇରଙ୍ଗପୁର ସହରରେ ଧଳା ଜହର ମାମଲାରେ ଧରିବାରେ ପୋଲିସର ସଫଳତା ଏବଂ ସହରରେ ଏହା ଚର୍ଚ୍ଚାର ବିଷୟ ହୋଇଛି । ପୋଲିସ ଗିରଫ କରି ଅଧିକରୁ ଅଧିକ ତଦନ୍ତ ଚାଲୁ ରଖିଛି ।
