ଗଞ୍ଜାମ / ରଜନୀକାନ୍ତ ପାତ୍ର: ଯାତ୍ରୀବାହି ବସ ଦୁର୍ଘଟଣା ଗ୍ରସ୍ତ , ଅଳ୍ପକେ ବର୍ତିଲେ ଯାତ୍ରୀ । ଗଞ୍ଜାମ ଜିଲ୍ଲା ସୋରଡ଼ା ସହରର ପ୍ରବେଶ ଦ୍ଵାର ନିକଟରେ ଥିବା ବିନ୍ଦାସ ହୋଟେଲ ମଧ୍ୟରେ ଆଜି ଏକ ଯାତ୍ରୀବାହୀ ବସ ପଶି ଯାଇ ଦୁର୍ଘଟଣା ଘଟିଯାଇଛି । ଏହି ଦୁର୍ଘଟଣାରେ ସମସ୍ତ ଯାତ୍ରୀ ଅଳ୍ପକେ ବର୍ତ୍ତିଯାଇଛନ୍ତି । ତେବେ ସବୁଦିନ ଭଳି ଆଜି ମଧ୍ୟ ଭେଙ୍କେଟାଦ୍ରି ନାମକ ଘୋରୋଇ ବସ ବୋରଦା ରୁ ଗୋଛା ଆସୁଥିବା ବେଳେ ସୋରଡ଼ା ବିନ୍ଦାସ ଛକ ଠାରେ ଏକ ବାଇକ୍ ଆରୋହୀ ହଠାତ୍ ବସ ସାମ୍ନାକୁ ଆସି ଯାଇଥିଲା ଯାହା ଫଳରେ ଡ୍ରାଇଭର ବ୍ରେକ ମାରିବା ଯୋଗୁଁ ବ୍ରେକ ଜାମ ହେବା ସହ ପାର୍ଶ୍ଵରେ ଥିବା ବିନ୍ଦାସ ହୋଟେଲ ଭିତରକୁ ପଶିଯାଇଥିଲା ।
