ବେଳାଭୂମିକୁ ଡାକିଲା, ଅଟୋରେ ବୁଲାଇଲା, ଏକୁଟିଆ ଦେଖି ଯୌନାଙ୍ଗ କାଟି ଦେଲା, ରକ୍ତ ଜୁଡୁବୁଡୁ ହେଇ ଗଲା ସାଙ୍ଗ

ରାଜନଗରରୁ/ ନୟନ ନନ୍ଦ ବେହେରା : ଏକ ଅପ୍ରିତିକର ଘଟଣାଘଟିଛି କେନ୍ଦ୍ରାପଡା ଜିଲ୍ଲା ରାଜନଗର ସମୁଦ୍ର ବେଳାଭୂମୀ ପେଣ୍ଠ ଠାରେ । ରବିବାର ଦିନ ଦୁଇଜଣ ସାଙ୍ଗ ପେଣ୍ଠ ବେଳାଭୂମିକୁ ଅଟୋରେ ବୁଲି ଯାଇଥିଲେ । ସେଠାରେ ଗାଧୋଇବା ସହ ରାଜନଗର ହୋଟେଲରୁ ନେଇଥିବା ଖାଦ୍ୟ ମଧ୍ୟ ଖାଇଥିଲେ । ହେଲେ ଉଭୟଙ୍କ ମଧ୍ୟରେ କଣ ହେଲା କେଜାଣି, ଜଣେ ସାଙ୍ଗ ଅନ୍ୟ ଜଣେ ସାଙ୍ଗର ଭୂଜାଲିରେ କାଟି ଦେଲା । ଅଭିଯୋଗ ଅନୁସାରେ ପଟ୍ଟାମୁଣ୍ଡାଇ ଗ୍ରାମାଂଚଳ ଥାନା ଅନ୍ତର୍ଗତ ବାଲିପାଟଣା ଗ୍ରାମର ଭାଗବତ ଦାଶଙ୍କୁ ଆଳି ଥାନା ଅନ୍ତର୍ଗତ ବାଙ୍କେଶ୍ୱର ଗ୍ରାମର ଅକ୍ଷୟ ରାଉତ ଫୋନ କରି ଡାକିଥିଲା । ପରେ ଉଭୟ ସାଙ୍ଗ ହୋଇ ଅଟୋରେ ପେଣ୍ଠ ବେଳାଭୂମିକୁ ବୁଲାବୁଲି କରିବାକୁ ଯାଇଥିଲେ, ସେଠାରେ ସାଙ୍ଗ ହୋଇ ଗାଧୋଇଥିଲେ । ଏହା  ପରେ  ଅକ୍ଷୟ ତାର କିଛି ସାଙ୍ଗମାନଙ୍କୁ ସେଠାକୁ ଡକାଇଥିଲା । ସେମାନଙ୍କ ସାହସ ପାଇ ଭାଗବତକୁ ଅକ୍ଷୟ ଅତର୍କିତ ଆକ୍ରମଣ କରି ତା ଯୌନାଙ୍ଗକୁ ଭୂଜାଲିରେ ହାଣି ଦେଲା । ଏହାପରେ  ଗୁରୁତର ଅବସ୍ଥାରେ ଭାଗବତଙ୍କୁ ଛାଡି ଅକ୍ଷୟ ଫେରାର ହୋଇଯାଇଥିଲା । ଖବରପାଇ ଭାଗବତର ମାମୁଁ ସଞ୍ଜୟ ସେଠାରେ ପହଂଚି ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର କରି ରାଜନଗର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ ।

ପ୍ରାଥମିକ ଚିକିତ୍ସା ପରେ ଭାଗବତର ଅବସ୍ଥା ଗୁରୁତର ଥିବାରୁ ହତାକୁ କଟକ ବଡମେଡିକାଲକୁ ପଠାଇ ହ ଦିଆ ଯାଇଛି । ହଏ ନେଇ ରାଜନଗର ଥାନାରେ ଏକ ମାମଲା ରୁଜୁ ହୋଇଛି ।  ଅପରପକ୍ଷରେ ଅଭିଯୁକ୍ତ ଅକ୍ଷୟ ଫେରାର ହୋଇଯାଇଛି । ସେମାନେ ନେଇଥିବା ଅଟୋ ପୋଲିସ ଜବତ କରିଛି । ଅଟୋର ଡ୍ରାଇଭର କୃଷ୍ଣଚନ୍ଦ୍ର ପ୍ରଧାନକୁ ଥାନାରେ  ଅଟକ ରଖି ପଚରାଉଚରା କରୁଛି ପୋଲିସ । ଜଣା ପଡିଛି ଭାଗବତ ଓ ଅକ୍ଷୟ ମଧ୍ୟରେ ଫେସବୁକରୁ ବନ୍ଧୁତ୍ୱ ଗଢି ଉଠିଥିଲା । ଉଭୟ ଉଭୟଙ୍କ ଘରକୁ ଯିବା ଆସିବା କରୁଥିଲେ । ଭାଗବତ ବିବାହିତ ହୋଇଥିବା ବେଳେ ଅକ୍ଷୟ ଜଣେ ଅବିବାହିତ ଯୁବକ । ଉଭୟଙ୍କ ମଧ୍ୟରେ ଗଢି ଉଠିଥିବା ବନ୍ଧୁତ୍ୱ ମଧ୍ୟରେ ତ୍ରିକୋଣୀୟ ପ୍ରେମ କିମ୍ବା ଅନୈତିକ ସଂପର୍କକୁ କେନ୍ଦ୍ରକରି ପାଇଁ ଏଭଳି ଘଟଣା ଘଟିଥାଇ ପରେ ବୋଲି ଚର୍ଚ୍ଚା ହେଉଛି ।