( ଓମ୍ ପ୍ରକାଶ ମିଶ୍ର / ସୋନପୁର ) : ସୁବର୍ଣ୍ଣପୁର ଜିଲ୍ଲା ସଦର ବ୍ଲକର ଶରଧାପାଲି ଗ୍ରାମ ନିକଟସ୍ଥ ଏକ ଢାବାରେ ଯୁବକଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି। ମୃତକ ହେଲେ ଜାମଛାପର ଗ୍ରାମର ଜଦୁମଣି ଭୁଏ । ସେ ଡ୍ରାଇଭର ଭାବେ କାମ କରୁଥିବାବେଳେ ଶରଧାପାଲି ଢାବାକୁ ଖାଇବାକୁ ଯାଇଥିଲେ । ସେଠାରେ କିଛି ବଚସା ହେବାରୁ ଜଦୁମଣି ଙ୍କୁ ପିଟି ମାରି ଦେଇଥିବା ପରିବାର ପକ୍ଷରୁ ଅଭିଯୋଗ ହୋଇଛି । ଜିଲ୍ଲା ମୁଖ୍ୟ ଚିକିତ୍ସାଳୟକୁ ପୋଲିସ ପହଂଚି ଶବକୁ ବ୍ୟବଚ୍ଛେଦ ପାଇଁ ପଠାଇ ଦେଇଥିବାବେଳେ ଅଧିକ ଅନୁସନ୍ଧାନ ଜାରି ରଖିଛି । ଘଟଣାର ପ୍ରକୃତ କାରଣ ଏପର୍ୟ୍ୟନ୍ତ ଜଣାପଡି ନାହିଁ ।ହତ୍ୟାକାଣ୍ଡ କେଉଁ କାରଣରୁ ହେଲା ଓ କେମିତି ହେଲା ଏନେଇ ସୋନପୁର ଟାଉନ ଥାନା ଅଧିକାରୀ ଅଧିକ ତଦନ୍ତ ଆରମ୍ଭ କରିଛନ୍ତି।
