ବିଗ୍ ବସ୍ ଫେମ୍ ଅଭିନେତ୍ରୀ ମୀରା ମିଥୁନ ଗିରଫ

(ମୁମ୍ବାଇ) : ବିଗ୍ ବସକୁ ଛୋଟ ପରଦାର ସବୁଠାରୁ ବିବାଦୀୟ ରିୟଲିଟି ଟିଭି ଶୋ କୁହାଯାଏ । ଏମିତି କିଛି ଦେଖିବାକୁ ମିଳିଛି ଅଭିନେତ୍ରୀ ମୀରା ମିଥୁନଙ୍କ କ୍ଷେତ୍ରରେ । ତାମିଲନାଡୁ ପୋଲିସର ସାଇବର ୱିଙ୍ଗ୍ ନିକଟରେ ମଡେଲ୍- ଅଭିନେତ୍ରୀ ମାରୀ ମିଥୁନଙ୍କୁ ଗିରଫ କରିଛି । ସୂଚନା ଅନୁସାରେ ତାଙ୍କ ଉପରେ ସୋସିଆଲ ମିଡିଆ ମାଧ୍ୟମରେ ଏକ ଭିଡିଓ ପୋଷ୍ଟ କରିବା ଅଭିଯୋଗ ଅଛି ଯେଉଁଥିରେ ସେ ଏସସି(ଅନୁସୂଚିତ ଜାତି)କୁ ଅପଶବ୍ଦ କହିବା ଅଭିଯୋଗ ଲାଗିଛି । ଏଫଆଇଆର୍ ରୁଜୁ ପରେ ତାଙ୍କୁ ଗିରଫ କରାଯାଇଥିବା ସୂଚନା ମିଳିଛି ।

ରିପୋର୍ଟ ଅନୁସାରେ, ମୀରା ମିଥୁନଙ୍କ ବିରୁଦ୍ଧରେ ଆଇପିସି ଓ Scheduled Caste and Scheduled Tribe ଆକ୍ଟର ୭ ଧାରା ଅନୁସାରେ ମାମଲା ରୁଜୁ କରାଯାଇଛି । ଏକ ଟକ୍ ଶୋରେ ଆଲୋଚନା କରିବା ସମୟରେ ମୀରା କହିଥିଲେ ଯେ ସେ ସାଧାରଣତଃ ଅନୁସୂଚିତ ଜନଜାତିଙ୍କ ସମ୍ପର୍କରେ କୌଣସି କଥା କୁହନ୍ତି ନାହିଁ । ଅଭିଯୋଗକାରୀଙ୍କ ଅନୁସାରେ ମୀରା ଫିଲ୍ମ ଜଗତର ଫିଲ୍ମ ମେକର୍ସଙ୍କ ସମ୍ପର୍କରେ ଭୁଲ୍ କଥା କହିଥିଲେ ।