ଭୁବନେଶ୍ୱର: ଭୁବନେଶ୍ୱରରୁ ଦୁବାଇକୁ ସିଧା ଉଡିବ ବିମାନ । ମେ’୧୫ରୁ ଦୁବାଇକୁ ଡାଇରେକ୍ଟ ଯିବ ବିମାନ । ଉତ୍କଳ ଦିବସ ଉପଲକ୍ଷେ ଓଡ଼ିଶାକୁ ଭେଟି ସ୍ବରୂପ ଆଜିଠୁ ଟିକେଟ ବୁକିଂର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଓଡିଶାରୁ ଆନ୍ତର୍ଜାତିକ ବିମାନ ଉଡ଼ାଣରେ ଏହା ପ୍ରଥମ ସ୍ବୀକୃତି ପାଇବ । ଓଡିଶା ତଥା ଭୁବନେଶ୍ୱରରୁ ଆଗରୁ ଆନ୍ତର୍ଜାତିୟ ଉଡାଣ ହୋଇଛିି ହେଲେ ଦୁବାଇକୁ ସିଧା ବିମାନ ଉଡାଣରେ ଏହା ପ୍ରଥମ ଫ୍ଲାଇଟ ହେବ । ଏଥିରେ ବିଦେଶରେ ରହୁଥିବା ଓଡିଆଙ୍କ ପାଇଁ ସୁବିଧା ହେବ ବୋଲି ମୁଖ୍ୟମନ୍ତ୍ରୀ ଏହାର ଉଡାଣ ପାଇଁ ତତ୍ପର ପ୍ରକାଶ କରିଛନ୍ତି । ଏନେଇ ଓଡ଼ିଶାକୁ ଅଧିକ ବ୍ୟବସାୟ ଓ ପୁଞ୍ଜି ନିବେଶର ସୁଯୋଗ ମଧ୍ୟ ସୃଷ୍ଟି ହେବ ବୋଲି ମୁଖ୍ୟମନ୍ତ୍ରୀ ଆଶା କରିଛନ୍ତି । ଏନେଇ ସୋସିଆଲ ମିଡିଆରେ ସୂଚନା ଦେଇଛନ୍ତି ୫ଞ ସଚିବ ଭିକେ ପାଣ୍ଡିଆନ । ସେପଟେ ଦୁବାଇଲେ ରହୁଥିବା ଓଡିଆ ଖୁସିବ୍ୟକ୍ତ କରିଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଇଛନ୍ତି ।