ଭୁବନେଶ୍ୱର: ଚନ୍ଦ୍ରଯାନ ୩ ପାଇଁ କାଉଣ୍ଟ ଡାଉନ ଆରମ୍ଭ ହୋଇଛି । ଭାରତ ଏକ ନୂଆ ଇତିହାସ ସୃଷ୍ଟି କରିବାକୁ ଯାଉଛି । ଅପେକ୍ଷାର ସେଇ ଶୁଭ ମୂହୂର୍ତ୍ତକୁ । ଇସ୍ରୋ ଇତିହାସ ରଚିବାକୁ ଯାଉଛି ଆଉ କିଛି କ୍ଷଣରେ । ସ୍ୱୟଂଚାଳିତ ପ୍ରକ୍ରିୟାରେ ଅବତରଣ କରିବ ଲ୍ୟାଣ୍ଡର ବିକ୍ରମ । ଏହି ଘଟଣା ଉପରେ ସାରା ବିଶ୍ୱର ରହିଛି ନଜର । ଏହାରି ଭିତରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଏହି ମିଶନର ସଫଳତା କାମନା କରିଛନ୍ତି ।
ତେବେ ମିଶନର ସଫଳ କାମନା କରୁଛି ସାରା ଦେଶ । ସାରା ଦେଶରେ ମନ୍ଦିର ଠାରୁ ମସଜିଦ, ବିଭିନ୍ନ ଧର୍ମାନୁଷ୍ଠାନରେ ଚାଲିଛି ପୂଜାର୍ଚ୍ଚନା । କେଉଁଠି ହୋମଯଜ୍ଞ ଚାଲିଛି ତ ଆଉ କେଉଁଠି ବ୍ରତ ଉପବାସ ରଖିଛନ୍ତି ଲୋକେ ।