ମାଲକାନଗିରି : ସ୍ୱଚ୍ଛତା ହିଁ ସେବା ପକ୍ଷ ପାଳନ । ଆଜି ମାଲକାନଗିରି ଜିଲ୍ଲା ସଦର ମହକୁମା ସ୍ଥିତ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଭାରତ ସରକାରଙ୍କ କ୍ରୀଡା ଓ ଯୁବ ବ୍ୟାପାର ମନ୍ତ୍ରଣାଳୟ ଅଧିନସ୍ଥ ମୋ ଭାରତ, ମାଲକାନଗିରି ଶାଖା , ବିଦ୍ୟାଳୟର ଏନ.ଏସ.ଏସ ଓ ଯୁବ ରେଡକ୍ରସ ପକ୍ଷରୁ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ନେହେରୁ ଯୁବ କେନ୍ଦ୍ରର ଜିଲ୍ଲା ଯୁବ ଅଧିକାରୀ ହରିଶ ରୂପାଲ, ବିଦ୍ୟାଳୟର , ବିଦ୍ୟାଳୟର ଅଧ୍ୟକ୍ଷ ଦୁଷ୍ମନ୍ତ କୁମାର ଜେନାଙ୍କ ସମେତ ବହୁ ଅତିଥି ଯୋଗ ଦେଇ ଏହି ଅଭିଯାନର ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରିଥିଲେ । ଏ ଅବସରରେ ବିଦ୍ୟାଳୟ ପରିସର ଓ ଆଖପାଖ ଅଞ୍ଚଳ ଓ ନାଳ ନର୍ଦ୍ଧମା ସଫେଇ କରିବା ସହ ସମସ୍ତଙ୍କୁ ସ୍ୱଚ୍ଛତା ନେଇ ଶପଥ ପାଠ କରାଯାଇଥିଲା । ପୂର୍ବରୁ ଏକ ସଚେତନତା ଶୋଭାଯାତ୍ରା ସ୍ଥାନୀୟ ବିଦ୍ୟାଳୟଠାରୁ ବାହାରି ପୁରୁଣା ଚିକିତ୍ସାଳୟ ଛକ ନିକଟରେ ପହଞ୍ଚିଥିଲା । ଏଥିରେ ରାସ୍ତା କଡ଼ର ସମସ୍ତ ଦୋକାନୀଙ୍କୁ ପ୍ଲାଷ୍ଟିକ ବ୍ୟବହାର ହ୍ରାସ କରିବା , ସ୍ୱଚ୍ଛ ରହିବା ସହ ଆଖପାଖ ଅଞ୍ଚଳ ସଫା ରଖିବାକୁ ସଚେତନ କରାଯାଇଥିଲା ।
