(ହରପ୍ରସାଦ ବିଶୋଇ / ତ୍ରିଲୋଚନ ରାଉତ ରିପୋର୍ଟସ ଟୁଡେ )଼ : ଓଡ଼ିଆ ଜାତିର ପ୍ରାଣ କେନ୍ଦ୍ର ମହାପ୍ରଭୁ ଆମର ଆତ୍ମା । ଶହ ଶହ ବର୍ଷ ଧରି ଶ୍ରୀ ମନ୍ଦିର ସୁରକ୍ଷା ପାଇଁ ଓଡ଼ିଆ ଜାତି ଅନେକ ତ୍ୟାଗ କରିଛି । ଅନେକ ବଳିଦାନ ଦେଇଛି । ଏଭଳି ବିର୍ତ୍ତା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ ଆହୁରି ମଧ୍ୟ ନିଜ ବାର୍ତ୍ତାରେ କହିଛନ୍ତି କି ଶହ ଶହ ବର୍ଷ ଧରି ମହାପ୍ରଭୁ ପାତାଳି ହୋଇଛନ୍ତି । ବହୁ ବର୍ଷ ଧରି ପବିତ୍ର ରଥଯାତ୍ରା ମଧ୍ୟ ବନ୍ଦ ହୋଇ ଯାଇଥିଲା । କିନ୍ତୁ ଓଡ଼ିଆ ଜାତିକୁ ତାର ଆତ୍ମା ମହାପ୍ରଭୁ ଶ୍ରୀ ଜଗନ୍ନାଥ ଙ୍କ ଠାରୁ କେହି ଅଲାଗା କରିପାରିନାହିଁ । କରିପାରିବେ ନାହିଁ । ବିଶର ମହାନ୍ତିଙ୍କ ତ୍ୟାଗ କୁ ଏହି ଜାତି କେବେ ଭୂଲି ପାରି ନାହିଁ । ଆମ ସଂସ୍କୃତି ଆମ ପରମ୍ପରା ମହାପ୍ରଭୁଙ୍କୁ କେନ୍ଦ୍ର କରି ଗଢିଉଠିଛି । ସେ ହେଉଛନ୍ତି ଅସ୍ମିତାର ପ୍ରତିକ । ମୁଁ ଜାଣିଛି ଶ୍ରୀ ମନ୍ଦିରର ନିରାପତ୍ତା ପାଇଁ ତ୍ୟାଗ ଗୁରୁତ୍ୱପୂର୍ଣ୍ଣ । ମୁଁ ଚାହେଁ ଆପଣ ମାନେ ମହାପ୍ରଭୁଙ୍କ ସେବା ଭାବି ସହଯୋଗ କରନ୍ତୁ । ଆପଣଙ୍କର ଏହି ତ୍ୟାଗକୁ ଓଡ଼ିଆ ଜାତି ସବୁଦିନ ମନେରଖିବ ।
