(ଓମପ୍ରକାଶ/ସୋନପୁର): ସାରା ରାଜ୍ୟରେ ନିର୍ବାଚନକୁ ନେଇ ପ୍ରଚାର ଯୋରଦାର୍ ଚାଲୁଥିବା ବେଳେ ସୁବର୍ଣ୍ଣ ପୁର ଜିଲ୍ଲା ବୀରମହାରାଜ ପୁର ବିଧାନସଭା ନିର୍ବାଚନ ମଣ୍ଡଳୀରେ କଂଗ୍ରେସ ମଧ୍ୟ ତାର ପ୍ରଚାର ଯୋରଦାର୍ କରିଛି। ସ୍ଥାନୀୟ ବିନିକା ବ୍ଳକ ବିଶାଲ ପାଲି ଛକ ଠାରେ ବିରୋଧୀ ଦଳ ନେତା ନରସିଂହ ମିଶ୍ର ଏକ ସଭା କରି ସ୍ଥାନୀୟ କଂଗ୍ରେସ ଦଳ ବିଧାୟକ ପ୍ରାର୍ଥୀ ବିନୋଦ ପାତ୍ର ଓ ବଲାଙ୍ଗୀର କଂଗ୍ରେସ ସାଂସଦ ପ୍ରାର୍ଥୀ ସମରେନ୍ଦ୍ର ମିଶ୍ରଙ୍କ ପାଇଁ ପ୍ରଚାର କରିଥିଲେ।
ବୀରମହାରାଜ ପୁର ନିର୍ବାଚନ ମଣ୍ଡଳୀର ବିଭିନ୍ନ ଗ୍ରାମମାନଙ୍କରେ ବୁଲି ଦଳୀୟ ପ୍ରଚାର କରିବା ସହିତ ଉଭୟ ରାଜ୍ୟ ଏବଂ କେନ୍ଦ୍ର ସରକାରଙ୍କ ବିଭିନ୍ନ ବିଫଳତାକୁ ନେଇ ଏଥର ନିର୍ବାଚନ ବୈତରଣୀ ପାର ହେବାକୁ ଆଶା ରଖିଛନ୍ତି ସ୍ତାନୀୟ ବିଧାୟକ ଓ ସାଂସଦ ପ୍ରାଥି।
