ଭୁବନେଶ୍ୱର: ରାଜ୍ୟରେ ଦିନକୁ ଦିନ ବଢିବାରେ ଲାଗିଛି କ଼ରୋନା ସଂକ୍ରମଣ ସଂଖ୍ୟା । ଆଜି ରାଜ୍ୟରେ ୧୪୧ଜଣ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଦୈନିକ ସଂକ୍ରମଣଙ୍କ ସଂଖ୍ୟା ୧୦୦ ଟପିଛି। ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ୧୪୧ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏଥିସହ ରାଜ୍ୟରେ କରୋନା ସକ୍ରିୟ ମାମଲା ୭୩୧ କୁ ବୃଦ୍ଧି ପାଇଛି। ସେପଟେ ଦେଶରେ କରୋନା ସଂକ୍ରମଣ ସପ୍ତାହକ ମଧ୍ୟରେ ୭୯% ବୃଦ୍ଧି ପାଇଛି। ପୂର୍ବ ରବିବାର ଠାରୁ ଏଇ ରବିବାର ମଧ୍ୟରେ ୩୬ ହଜାରରୁ ଅଧିକ ଲୋକ କରୋନାରେ ସଂକ୍ରମିତ ହୋଇଛନ୍ତି। ଏହା ଗତ ୭ ମାସର ରେକର୍ଡ ଭାଙ୍ଗିଛି। ପୂର୍ବ ସପ୍ତାହରେ ଯେଉଁ ସବୁ ରାଜ୍ୟରେ ସଂକ୍ରମଣ ଗ୍ରାଫ ତଳମୁହାଁ ଥିଲା ଏବେ ସେଠାରେ ମଧ୍ୟ ସଂକ୍ରମଣ ବ୍ୟାପିବା ଆରମ୍ଭ ହେଲାଣି। ଏପ୍ରିଲ ୩ରୁ ୯ ମଧ୍ୟରେ କରୋନା ୬୮ ଜଣଙ୍କ ଜୀବନ ନେଇଛି। ପୂର୍ବ ସପ୍ତାହରେ ଏହା ୪୧ ରହିଥିଲା। ସଂକ୍ରମଣ ଓ କରୋନା ମୃତ୍ୟୁସଂଖ୍ୟା ବଢ଼ିବା ସମସ୍ତଙ୍କ ପାଇଁ ଚିନ୍ତାର କାରଣ ପାଲଟିଛି।