ପୁରୀ : ବଳଙ୍ଗା ଥାନା ଅନ୍ତର୍ଗତ କେତକୀ ପାଟଣା ଗ୍ରାମ ପଞ୍ଚାୟତର ବଡତୋଟା ଗ୍ରାମର ନିରଞ୍ଜନ ମହାପାତ୍ରଙ୍କ ପତ୍ନୀ ମମିତା ମହାପାତ୍ରଙ୍କ ମୃତ ଦେହ ପାଣିରେ ଭାସୁଥିବା ଅବସ୍ଥାରେ ଉଦ୍ଧାର କରାଯାଇଛି। ସୂଚନାଯୋଗ୍ୟ ଗତ ୧୨ ତାରିଖରେ ମୃତ ମମିତା ମହାପାତ୍ରଙ୍କ ସ୍ଵାମୀ ନିରଞ୍ଜନ ମହାପାତ୍ର ତାଙ୍କ ପତ୍ନୀ ବିଳମ୍ବିତ ରାତିରୁ ଘର ଛାଡ଼ି କୁଆଡେ ପଳେଇ ଯାଇଥିବା କହି ବଳଙ୍ଗା ଥାନାରେ ଲିଖିତ ଅଭିଯୋଗ କରିଥିବା ଥିଲେ |
ହେଲେ ଆଜି ସ୍ଵାମୀ ନିରଞ୍ଜନ ମହାପାତ୍ରଙ୍କ ଘର ସମ୍ମୁଖ ଜଙ୍ଗଲରେ ଥିବା ଛୋଟ ପୋଖରୀରେ ପତ୍ନୀଙ୍କ ମୃତ ଦେହ ପାଣିରେ ଭାସୁଥିବାର ଜନୈକ ବ୍ୟକ୍ତି ଦେଖି ନିରଞ୍ଜନ ମହାପାତ୍ରଙ୍କ ପରିବାରକୁ ଖବରଦେଇଥିଲେ | ପରେ ନିରଞ୍ଜନ ମହାପାତ୍ରଙ୍କ ପତ୍ନୀ ବୋଲି ଜଣାପଡ଼ିଥିବା ବେଳେ ବଙ୍ଗଳା ଥାନାକୁ ଖବର ଦେଇଥିବା ବେଳେ ଘଟଣାସ୍ଥଳରେ ବଳଙ୍ଗା ପୋଲିସ ପହଂଚି ମହିଳାଙ୍କ ମୃତ ଦେହ ଉଦ୍ଧାର କରି ପୋଷ୍ଟମର୍ଟମ ପଠାଯାଇଛି । ସେପଟେ ମହିଳାଙ୍କୁ ହତ୍ୟା କରାଯାଇଛି କି ଆତ୍ମହତ୍ୟା ବୋଲି ତଦନ୍ତ ପରେ ଜଣାପଡ଼ିବ ବୋଲି ବଳଙ୍ଗା ପୋଲିସ କହିଛି।