ଗଞ୍ଜାମ/ରଜନୀକାନ୍ତ ପାତ୍ର: ପୋଖରୀରେ ପଡି ଜଣେ ମୃତ | ଗଞ୍ଜାମ ଜିଲ୍ଲା ହିଂଜିଳି ଥାନା ପୋଡିଙ୍ଗୀ ଗ୍ରାମର କୁମ୍ଭାର ସାହି ବାସିନ୍ଦା ସାଉରା ବେହେରା (୫୪) ବଡି ଭୋରୁ ୪ଟା ବେଳେ ସାଇକେଲ ଧରି ଘରୁ ବାହାରି ଥିଲେ । କିନ୍ତୁ ଘରେ ପହଁଚିବା ବିଳମ୍ବ ହେବାରୁ ସାହି ବାସିନ୍ଦାଙ୍କ ସାହାଯ୍ୟରେ ଖୋଜା ଖୋଜି କରିଥିଲେ ପରିବାର ଲୋକେ |
ତେବେ ବ୍ୟକ୍ତିଙ୍କ ସାଇକେଲକୁ ପୋଖରୀ କୂଳରେ ଦେଖି ଗ୍ରାମବାସୀ ସନ୍ଦେହ କରି ପୋଖରୀ ଭିତରେ ଖୋଜା ଖୋଜି କରିଥିଲେ ଓ ସେଠାରୁ ସଉରାଙ୍କୁ ମୃତ ଅବସ୍ଥାରେ ଉଦ୍ଧାର କରିଥିଲେ । ଗାଧୋଇବା ବେଳେ ଗୋଡ ଖସିଯାଇଥିବାରୁ ବୁଡି ମୃତ୍ୟୁ ବରଣ କରିଥିବା ଅନୁମାନ କରାଯାଉଛି। ଘଟଣା ସ୍ଥଳରେ ପୋଲିସ ପହଁଚି ତଦନ୍ତ ଆରମ୍ଭ କରିଛି।