ଭାରତ: କ୍ରିକେଟର ସଚିନ ତେନ୍ଦୁଲକରଙ୍କୁ ଗୁରୁ ଦାୟିତ୍ୱ ମିଳିଛି । ତେନ୍ଦୁଲକରଙ୍କୁ ନାସନାଲ ଆଇକନ୍ ଭାବେ ଘୋଷଣା କରାଯାଇଛି । ଏହି ଗୁରୁ ଦାୟିତ୍ୱ ଦେଇଛନ୍ତି ନିର୍ବାଚନ କମିଶନ ଅଫ ଇଣ୍ଡିଆ । ଆଗାମୀ ୨୦୨୪ ନିର୍ବାଚନରେ ଅଧିକରୁ ଅଧିକ ଭୋଟ୍ ଦେବା ଲାଗି ଲୋକଙ୍କୁ ସଚେତନ କରିବାକୁ ନାସନାଲ ଆଇକନ୍ ଭାବେ ଘୋଷଣା କରିଛନ୍ତି ନିର୍ବାଚନ କମିଶନ । ଆଜି ନୂଆଦିଲ୍ଲୀରେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଏହାର ଘୋଷଣା କରାଯାଇଛି । ସଚିନ ୩ ବର୍ଷ ପାଇଁ ଏହି ଦାୟିତ୍ୱ ସମ୍ଭାଳିବେ । ଆସନ୍ତା ନିର୍ବାଚନରେ ଅଧିକରୁ ଅଧିକ ଭୋଟ୍ ଦେବାକୁ ଭାରତର ଲୋକଙ୍କୁ ସଚେତନ କରିବେ ସଚିନ । ପୁର୍ବରୁ ନାସନାଲ ଆଇକନ ଭାବେ ନିର୍ବାଚନ କମିଶନ ପ୍ରସିଦ୍ଧ ଅଭିନେତା ପଙ୍କଜ ତ୍ରିପାଠୀଙ୍କୁ ବାଛିଥିଲେ ।ଏହା ପୂର୍ବରୁ ୨୦୧୯ ଲୋକସଭା ନିର୍ବାଚନ ବେଳେ ସମସ୍ତଙ୍କ ପସନ୍ଦର କ୍ରିକେଟର ମହେନ୍ଦ୍ର ସିଂ ଧ୍ୱନୀଙ୍କୁ ନାସନାଲ ଆଇକନ ଭାବେ ଘୋଷଣା କରାଯାଇଥିଲା ବେଳେ ଏହା ପୂର୍ବରୁ ଅଭିନେତା ଆମିରଖାନଙ୍କୁ ମଧ୍ୟ ନାସନାଲ ଆଇକନ ଭାବେ ଚୟନ କରାଯାଇଛି ।
