ଝାରସୁଗୁଡ଼ା : ଝାରସୁଗୁଡ଼ା ଉପ-ନିର୍ବାଚନ ପାଇଁ ଆଜି ନାମାଙ୍କନ ପତ୍ର ଦାଖଲ କରିବେ ବିଜେଡି ପ୍ରାର୍ଥୀ ଦୀପାଳି ଦାସ । ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ଭରିବେ ଦୀପାଳି ଦାସ । ନବ ଦାସଙ୍କ ହତ୍ୟା ପରେ ଝାରସୁଗୁଡ଼ା ଆସନ ଖାଲି ପଡ଼ିଛି । ଆଉ ସେହି ଆସନରୁ ନବ ଦାସଙ୍କ ଝିଅ ଦୀପାଳିଙ୍କୁ ପ୍ରାର୍ଥୀ କରିଛି ବିଜେଡି ।ନାମାଙ୍କନକୁ ନେଇ ଦଳ ପକ୍ଷରୁ ଜୋରଦାର ପ୍ରସ୍ତୁତି ହୋଇଛି | ଦୀପାଳିଙ୍କ ନାମାଙ୍କନରେ ସାମିଲ ହେବା ଲାଗି ଝାରସୁଗୁଡା ପର୍ଯ୍ୟବେକ୍ଷକ ବିଧାୟକ ସାରଦା ନାୟକ ଝାରସୁଗୁଡା କ୍ୟାମ୍ପରେ ରହି ସମସ୍ତ କାର୍ଯ୍ୟ ତଦାରଖ କରୁଛନ୍ତି |
ନାମାଙ୍କନ ଦାଖଲ ବେଳେ ନିର୍ବାଚନ ମଣ୍ଡଳୀ ଲୋକଙ୍କୁ ଆଣି ବିଜେଡି ବଡ଼ ଶୋଭାଯାତ୍ରା ଦ୍ୱାରା ପ୍ରତିପକ୍ଷ କୁ ଜବାବ ଦେବାର ପ୍ରୟାସ କରିବ | ଝାରସୁଗୁଡା ସମେତ ବ୍ରଜରାଜନଗର,ରେଙ୍ଗାଲି, ସୁନ୍ଦରଗଡ଼,କୁଚିଣ୍ଡା, ସମ୍ବଲପୁରରୁ ବହୁ ସଂଖ୍ୟକ ଦଳୀୟ କର୍ମୀ ଓ ନେତା ଯୋଗଦେବାର ବନ୍ଦୋବସ୍ତ କରାଯାଇଛି | ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ, ପ୍ରସନ୍ନ ଆଚାର୍ଯ୍ୟ, ଦେବି ମିଶ୍ର,ନିରଞ୍ଜନ ପୂଜାରୀ, ଅରୁଣ ସାହୁ, ଟୁକୁନି ସାହୁ,ରାଜେନ୍ଦ୍ର ଢୋଲକିଆ, ରିତା ସାହୁ, ପ୍ରତାପ ଦେବ, ସ୍ନେହାଙ୍ଗିନୀ ଛୁରିଆ, ପଦ୍ମନାଭ ବେହେରା ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି |