ପଂଚାୟତ ଅଫିସରେ ଜାତୀୟ ପତାକାକୁ ଅସମ୍ମାନ

ରାଜନଗର/ନୟନା ନନ୍ଦ ବେହୁରା: ଦେଶ ପାଳୁଛି 77 ତମ ସ୍ୱାଧୀନତା ଦିବସ, କେନ୍ଦ୍ର ସରକାର ଆହ୍ୱାନ କ୍ରମେ ସାରା ଦେଶରେ ହର ଘର ତ୍ରିରଙ୍ଗା କାର୍ଯ୍ୟକ୍ରମ ହେଉଥିବା ବେଳେ ସେଥିରେ ବାଦ ପଡିନି ଓଡିଶା | ରାଜ୍ୟ ସରକାରଙ୍କ ତରଫରୁ ଯଥେଷ୍ଟ ପ୍ରଚାର ପ୍ରସାର ହେବା ସହ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତ ଉଦ୍ୟମରେ ଓଡିଶାରେ ପ୍ରତ୍ୟେକ ଘରେ କିପରି ତ୍ରିରଙ୍ଗା ପହଂଚିବ ତାହାର ବ୍ୟବସ୍ଥା ମଧ୍ୟ କରାଯାଇଛି, କିନ୍ତୁ ରାଜନଗର ବ୍ଲକ ମହୁଲିଆ ପଂଚାୟତ କାର୍ଯ୍ୟାଳୟରେ ଦେଶର ଜାତୀୟ ପତାକାକୁ ଅସମ୍ମାନ କରାଯାଉଥିବା ଭିଡିଓ ଭାଇରାଲ ହେବା ସହ ଅଭିଯୋଗ ଆଣିଛନ୍ତି ପଂଚାୟତ ବାସି |

ପ୍ରତ୍ୟେକ ଜନସାଧାରଣଙ୍କ ମନରେ ଦେଶ ପ୍ରେମ ଭରି ଦେବାକୁ କେନ୍ଦ୍ର ସରକାରଙ୍କ ତରଫରୁ ହର ଘର ତ୍ରିରଙ୍ଗା ଅଭିଯାନ ଚାଲିଥିବା ବେଳେ କିପରି ଜାତୀୟ ପତାକାର ସ୍ଥାନ ମହୁଲିଆ ପଂଚାୟତ କର୍ମଚାରୀ ମାନେ ଜାଣିପାରିଲେନି ତାହାବି ଏବେ ବଡ଼ ଚିନ୍ତାର ବିଷୟ ପାଲଟିଛି |

ଖାଲି ଏହି ଜାଗାରେ ନୁହେଁ ଅନେକ ସ୍ଥାନ ମାନଙ୍କରେ ଜାତୀୟ ପତାକା ପ୍ରତି ଅସନମାନ ହେଉଥିବା ଦେଖିବାକୁ ମିଳୁଛି ତେବେ ଆମ ତରଫରୁ ଆପଣ ମାନଂକୁ ଅନୁରୋଧ ଜାତୀୟ ପତାକା କୁ ଅଣଦେଖା କରନ୍ତୁ ନାହିଁ କିମ୍ବା ଅବହେଳିତ କରନ୍ତୁ ନାହିଁ |