ଏଣିକି ଗୋଟିଏ ବ୍ୟାଗ ସହ ଯାତ୍ରା କରିବେ ବିମାନଯାତ୍ରୀ 

(ଦିଲ୍ଲୀ) : ଦେଶ ମଧ୍ୟରେ ବିମାନ ଯାତ୍ରା କରୁଥିବା ଯାତ୍ରୀ ମାନେ ବିମାନ କ୍ୟାବିନ ମଧ୍ୟରେ ଗୋଟିଏ ବ୍ୟାଗ୍‌ ସହ ଯାତ୍ରା କରିପାରିବେ । ସେଣ୍ଟ୍ରାଲ ଇଣ୍ଡଷ୍ଟ୍ରିଆଲ ସିକ୍ୟୁରିଟି ଫୋର୍ସ ପକ୍ଷରୁ ଏ ନେଇ ବିମାନ କମ୍ପାନି ଏବଂ ବିମାନ ବନ୍ଦର କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି ।

ସୂଚନାନୁଯାୟୀ , ବ୍ୟୁରୋ ଅଫ୍‌ ସିଭିଲ ଆଭିଏସନ ସିକ୍ୟୁରିଟି(ବିସିଏଏସ୍‌)ର ୱାନ ବ୍ୟାଗ୍‌ ଅର୍ଡରକୁ କଡାକଡା ଭାବେ ଲାଗୁ କରିବା ଲାଗି ଏହି ନିର୍ଦ୍ଦେଶରେ କୁହାଯାଇଛି । ଯାତ୍ରୀମାନେ ଏବେ ଏକାଧିକ କ୍ୟାବିନ ବ୍ୟାଗ ସହ ଯାତ୍ରା କରୁଛନ୍ତି । ନିରାପତ୍ତା ଯାଞ୍ଚ ବେଳେ ସାରା ଦେଶର ବିମାନ ବନ୍ଦରଗୁଡ଼ିକର ଚେକ୍‌ ଇନ କାଉଣ୍ଟରରେ ଏହା ସମସ୍ୟା ସୃଷ୍ଟି କରୁଛି ବୋଲି ସିଆଇଏସ୍‌ଏଫ୍‌ ପକ୍ଷରୁ କୁହାଯାଇଛି ।