ନୂଆଦିଲ୍ଲୀ: ଜାମ୍ମୁ କାଶ୍ମୀର ପୋଲିସ ଡେପୁଟି ପୋଲିସ୍ ଅଧୀକ୍ଷକ ଶେଖ ଆଦିଲ ମୁସ୍ତାକଙ୍କୁ ଦୁର୍ନୀତି ଏବଂ ଆତଙ୍କବାଦ ପାଣ୍ଠି ମାମଲାରେ ପ୍ରମାଣ ନଷ୍ଟ କରିବା ଅଭିଯୋଗରେ ଗିରଫ କରିଛି। ଅଧିକାରୀଙ୍କୁ ଗୁରୁବାର (ସେପ୍ଟେମ୍ବର ୨୧) ବିଭିନ୍ନ ବିଭାଗ ଅଧୀନରେ ଗିରଫ କରାଯାଇଥିଲା। ବର୍ତ୍ତମାନ ତାଙ୍କୁ ୬ ଦିନ ପୋଲିସ ହେପାଜତକୁ ପଠାଯାଇଛି। ତାଙ୍କ ବିରୋଧରେ ଦୁର୍ନୀତି ଅଭିଯୋଗ ଆସିଥିବା ଜଣାଯାଇଛି।
ଶ୍ରୀନଗର ପୋଲିସର ସୂଚନାନୁସାରେ, ଯେତେବେଳେ ଅଧିକାରୀଙ୍କୁ ଚଳିତ ବର୍ଷ ଫେବୃଆରୀରେ ଦୁର୍ନୀତି, ଲାଞ୍ଚ ଏବଂ ଅସଦାଚରଣ ଅଭିଯୋଗ ଆସିଥିଲା ସେତେବେଳେ ସେ ନୌଗାମର ଏସଡିପିଓ ଭାବରେ କାର୍ୟ୍ୟ କରୁଥିଲେ। ଅଧିକାରୀଙ୍କୁ ତାଙ୍କ ପଦରୁ ହଟାଇ ସଶସ୍ତ୍ର ବାହିନୀକୁ ସ୍ଥାନାନ୍ତର କରାଯାଇଥିଲା। ଏହି ଘଟଣାର ଆଭ୍ୟନ୍ତରୀଣ ତଦନ୍ତ ମଧ୍ୟ ନିର୍ଦ୍ଦେଶ ଦିଆଯାଇଥିଲା। ଏହାର ଅନୁସନ୍ଧାନ ପାଇଁ ଏକ ୬ ଜଣିଆ ସ୍ୱତନ୍ତ୍ର ଦଳ ଗଠନ କରାଯାଇଥିଲା।
କହିବୁ ଯେ ଦୁର୍ନୀତି ନିବାରଣ ଆଇନ ଏବଂ ଧାରା ୧୬୭, ୧୯୩, ୨୦୧, ୨୧୦, ୨୧୮, ୨୨୧ ଅନୁଯାୟୀ ନୌଗାମ ପୋଲିସ ଷ୍ଟେସନରେ ତାଙ୍କ ବିରୋଧରେ ଏକ ମାମଲା ରୁଜୁ ହୋଇଥିଲା।
ଅନୁସନ୍ଧାନ ବେଳେ ଅଧିକାଂଶ ଅଭିଯୋଗ ବିଶ୍ୱାସଯୋଗ୍ୟ ହୋଇଥିବାରୁ ଅଭିଯୁକ୍ତ ଅଧିକାରୀଙ୍କୁ ଗୁରୁବାର ଗିରଫ କରାଯାଇଥିଲା। ଏଥିସହ ତାଙ୍କ ବାସଭବନ ତଥା ଅନ୍ୟାନ୍ୟ ସ୍ଥାନରେ ଇଲେକ୍ଟ୍ରୋନିକ୍ ଉପକରଣ ଏବଂ ଆର୍ଥିକ କାରବାର ସହ ଜଡିତ ଡକ୍ୟୁମେଣ୍ଟ ପୁନରୁଦ୍ଧାର ପାଇଁ ଅନେକ ଚଢ଼ଉ କରାଯାଇଥିଲା।
ଘଟଣାର ତଦନ୍ତକୁ ସୀମିତ ରଖିବା ଏବଂ ତାଙ୍କୁ ସୁରକ୍ଷା ଦେବା ପାଇଁ ଅଭିଯୁକ୍ତ ଆତଙ୍କବାଦୀ ଆର୍ଥିକ ମାମଲାରେ ଅଭିଯୁକ୍ତ ମୁଜାମିଲ ଜାହୋରଙ୍କଠାରୁ ଟଙ୍କା ନେଇଥିବା ଅଧିକାରୀ କହିଛନ୍ତି ।