ଟାଙ୍ଗି / ରାକେଶ କୁମାର ଜଗଦେବ : ୧୬ ନମ୍ବର ଜାତୀୟ ରାଜପଥ ଟାଙ୍ଗୀ ବାଇପାସ ରେ ଓଲଟିଲା ଅଣ୍ଡା ବୋଝେଇ ଟ୍ରକ । ଚାଳକ ଗୁରୁତର ମେଡିକାଲ ରେ ଭର୍ତ୍ତୀ । ଖବର ପାଇ ଘଟଣା ସ୍ଥଳରେ ପହଁଚିଲା ଟାଙ୍ଗୀ ପୋଲିସ । ଦୁର୍ଘଟଣା ରେ ଗୁରୁତର ଙ୍କୁ ଉଦ୍ଧାର କରି ମେଡିକାଲ ରେ ଭର୍ତ୍ତୀ କରିଛି ପୋଲିସ ।
ସୂଚନା ଆନୁଯାୟୀ, ଆଜି ସକାଳେ ପଡୋଶୀ ଆନ୍ଧ୍ର ପ୍ରଦେଶ ରୁ ଗୋଟିଏ ଅଣ୍ଡା ବୋଝେଇ ଟ୍ରକ ଭୁବନେଶ୍ୱର ଅଭିମୁଖେ ଯାଉଥିବା ବେଳେ ଟାଙ୍ଗୀ ବାଇପାସ ରେ ଟ୍ରକ ସମ୍ମୁଖ କୁ ଏକ ଗାଇ ପଳାଇ ଆସିଥିଲା । ଫଳରେ ଟ୍ରକ ଚାଳକ ଜଣକ ଟ୍ରକ ଉପରୁ ନିୟନ୍ତ୍ରଣ ହରାଇଥିଲେ । ଫଳରେ ରାସ୍ତା କଡ଼କୁ ଟ୍ରକ ଟି ଓଲଟି ପଡ଼ିଥିଲା । ଖବର ପାଇଁ ଟାଙ୍ଗୀ ପୋଲିସ ଘଟଣା ସ୍ଥଳ ରେ ପହଞ୍ଚି ଗୁରୁତର ଟ୍ରକ ଚାଳକଙ୍କୁ ଉଦ୍ଧାର କରି ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତୀ କରିଥିଲା । ଏପଟେ ଟ୍ରକୁ ରୁ ସମସ୍ତ ଅଣ୍ଡା କୁ ସଂଗ୍ରହ କରି ସୁରକ୍ଷିତ କରାଯାଇଛି । ଫଳରେ ରାସ୍ତା ରେ ଗାଡି ଚଳାଚଲ ସ୍ୱାଭାବିକ ହୋଇଛି ।