(ରିପୋର୍ଟସ ଟୁଡ଼େ / ଶୁଭସ୍ମିତା ଦାଶ ) : ଦନ୍ତା ହାତୀ ଆତଙ୍କ । ୩ ଜଣଙ୍କୁ ଆକ୍ରମଣ କରିବା ସହ ଏକାଧିକ ଘର ଭାଙ୍ଗି ଦେଇଛି ହାତୀ । ହାତୀ ଆକ୍ରମଣରେ ଜଣଙ୍କର ମୃତ୍ୟୁ ମଧ୍ୟ ଘଟିଛି । ଏପରି ଏକ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲାରେ ।
ସଦର ଫରେଷ୍ଟ ରେଞ୍ଜ ଅନ୍ତର୍ଗତ କଟିଙ୍ଗଡ଼ିହିର ଦାନ୍ତା ହାତୀ ମାତିଛି । ଯାହା ଫଲରେ ସ୍ଥାନୀୟ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି କରିଛି । ସ୍ଥାନୀୟ ଅଂଚଳରେ ଥିଲା । ଘର ବାହାରେ ଥିବାବେଳେ ବୃଦ୍ଧାଙ୍କୁ ଦନ୍ତାଟି ଆକ୍ରମଣ କରିଥିଲା । ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ସେହିପରି ହମିରପୁରରେ ହାତୀ ଆକ୍ରମଣରେ ଦମ୍ପତି କୁମାରବର ସାହୁ ଓ ତାଙ୍କ ପତ୍ନୀ ପଦ୍ମିନୀ ସାହୁ ଗୁରୁତର ହୋଇଛନ୍ତି । ସେମାନଙ୍କୁ ଗୁରୁତର ଅବସ୍ଥାରେ ସମ୍ବଲପୁର ବୁର୍ଲା ମେଡ଼ିକାଲକୁ ସ୍ଥାନାନ୍ତର କରାଯାଇଛି । ଅନ୍ୟପକ୍ଷରେ ହୁଟୁପାନି ଗାଁରେ ହାତୀ ଏକାଧିକ ଘର ଭାଙ୍ଗି ଦେଇଛି । ହାତୀ ଉପଦ୍ରବକୁ ନେଇ ଲୋକମାନେ ଆତଙ୍କିତ ହୋଇପଡ଼ିଛନ୍ତି । ତୁରନ୍ତ ହାତୀକୁ ଘଉଡାଇବାକୁ ଦାବି କରିଛନ୍ତି । ବନ ବିଭାଗ କର୍ମଚାରୀ ହାତୀକୁ ଘଉଡାଇବାକୁ ଉଦ୍ୟମ ଆରମ୍ଭ କରିଛନ୍ତି । ବିଭିନ୍ନ ସମୟରେ ହାତୀ ଜନବସତି ମୁହାଁ ହେଉଥିବା ଦେଖିବାକୁ ମିଳିଛି । ତେଣୁ କରି ଲୋକେ ମଧ୍ୟ ଏନେଇ ସର୍ବଦା ଭୟରେ ଜୀବନ କାଟୁଛନ୍ତି । ତେଣୁ କରି ଏ ଦିଗରେ ବନବିଭାଗ ପଦକ୍ଷେପ ନେବାର ଆବଶ୍ୟକତା ରହିଛି ।
