ସୋନପୁର/ଓମପ୍ରକାଶ ମିଶ୍ର : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ୍ର ସିଣ୍ଢୋଲ ଅଞ୍ଚଳରେ ଏକ ଦନ୍ତାହାତୀ ବୁଲୁଥିବା ଜଣାଯାଇଛି। ସିଣ୍ଢୋଲ ଅଞ୍ଚଳରେ ହାତୀଟି ଚାଷ ଜମିକୁ ଯାଇ ଧାନ ଫସଲ ଦଳି ଦେଇଥିବା ଜଣାଯାଇଛି। ଗ୍ରାମର ପଞ୍ଚାନନ ମଜ୍ଜା, ସନ୍ତୋଷ ମେଣ୍ଡଳୀ, ସୁବାସିନୀ ମନ୍ତ୍ରୀ, ଲକ୍ଷ୍ମଣ ବଂଛୋର, ଦୁଃଖୁ କୁଟନିଆଁ, ଫଗୁଣୁ ପଧାନଙ୍କ ଦଳି ହାତୀ ନଷ୍ଟ କରିଦେଇଥିବା ପ୍ରତିନିଧି ମଣ୍ଟୁ ମନ୍ତ୍ରୀ ସୂଚନା ଦେଇଛନ୍ତି । ଏ ବାବଦରେ ଉଲୁଣ୍ଡା ରେଞ୍ଜର ଶିବ ପ୍ରସାଦ ନାୟକଙ୍କୁ ପଚାରିବାରୁ ହାତୀ ଉପରେ ଆମର ନଜର ଅଛି ବୋଲି କହିବା ସହ ଧାନ ଫସଲ ନଷ୍ଟ କଲେ ଚାଷୀଙ୍କୁ ସାହାଯ୍ୟ ଦିଆଯିବ ବୋଲି କହିଥିଲେ । ସେହିପରି ଖଜୁରିଆପାଲି ଜଙ୍ଗଲରେ ୩ଟି ହାତୀ ଥିବା ସେ ସୂଚନା ଦେଇଛନ୍ତି।ଉଲୁଣ୍ଡା ଜଙ୍ଗଲ ଭିତରେ ରେଢାଖୋଲ ଜଙ୍ଗଲ ଅଞ୍ଚଳ ରୁ ହାତୀ ମାନେ ରାତିରେ ଆସି ଧାନ ଫସଲ ନଷ୍ଟ କରିଦେଇ ପଳାଇ ଯାଉଥିବା ସୂଚନା ମିଳିଛି।