ମୁମ୍ବାଇ: ୟୁଟୁବର ଏଲଭିସି ଯାଦବ ଇତିହାସ ସୃଷ୍ଟି କରିଛନ୍ତି। ୱାଇଲ୍ଡ କାର୍ଡ ଏଣ୍ଟ୍ରି କରି ବିଗ୍ ବସ୍ ଓଟିଟି ସିଜିନ୍-୨ର ବିଜେତା ହୋଇଛନ୍ତି । ପୁରସ୍କାର ବାବଦକୁ ତାଙ୍କୁ ବିଗ୍ ବସ୍ ଟ୍ରଫି ସହ ୨୫ ଲକ୍ଷ ଟଙ୍କା ମିଳିଛି। ସେହିପରି ବ୍ଲଗର ଅଭିଷେକ ମଲାନ ପ୍ରଥମ ରନର୍ସ ଅପ୍ ହୋଇଛନ୍ତି । ବିଗ୍ବସ୍ରେ ତାଙ୍କର ଯାତ୍ରା ରୋମାଞ୍ଚକର ଥିଲା । ୨ ମାସ ତଳେ ଆରମ୍ଭ ହୋଇଥିବା ବିଗ୍ ବସ୍ ଓଟିଟି ୨ ଦୃଢ଼ ପ୍ରତିଦ୍ବନ୍ଦିତା ଦେଖିବାକୁ ମିଳିଥିଲା । ଏହା ଦର୍ଶକଙ୍କୁ ମଧ୍ୟ ପସନ୍ଦ ଆସିଥିଲା। ଏଥିପାଇଁ ଅବଧି ୨ ସପ୍ତାହ ପର୍ୟ୍ୟନ୍ତ ବୃଦ୍ଧି କରାଯାଇଥିଲା । ୪ ସପ୍ତାହ ପରେ ୱାଇଲ୍ଡ କାର୍ଡ ମାଧ୍ୟମରେ ସୋ’ରେ ସାମିଲ ହୋଇଥିବା ଏଲଭିସ ସମସ୍ତଙ୍କ ହୃଦୟ ଜିଣିବାରେ ସକ୍ଷମ ହୋଇଥିଲେ। ଏଲଭିସ୍ ଓ ଅଭିଷେକଙ୍କ ଚୁଡାନ୍ତ ପର୍ୟ୍ୟାୟରେ ପହଞ୍ଚିଥିଲେ। ଉଭୟଙ୍କ ମଧ୍ୟରେ ସୋମବାର ଜୋରଦାର ମୁକାବିଲା ହୋଇଥିଲା। ଶେଷରେ ଭୋଟିଂ ହୋଇଥିଲା । ଏଥିରେ ଏଲଭିସ୍ ବାଜି ମାରି ନେଇଥିଲେ।