କଟକ: ଓଡ଼ିଶା କ୍ରିକେଟପ୍ରେମୀଙ୍କ ପାଇଁ ଖୁସିର ଖବର । ଅନେକ ସମୟରେ ବର୍ଷା ଯୋଗୁଁ ଖେଳ ବାତିଲ ହେବା ଦୃଷ୍ଟାନ୍ତ ରହିଛି । ତେବେ ବର୍ଷା ହେଲେ ଓଦା ହେବନି ବାରବାଟି ପଡ଼ିଆ । କାରଣ ବର୍ଷାରୁ ରକ୍ଷା କରିବା ପାଇଁ ପଡ଼ିଆକୁ ସମ୍ପୂର୍ଣ୍ଣ ଭାବେ ଘୋଡାଇ ଦିଆଯିବ । ଏଥିପାଇଁ ବିଦେଶରୁ ବାରବାଟି ଷ୍ଟାଡିୟମକୁ ଆସିବ ହୋଭର କଭର । ସମ୍ପୁର୍ଣ୍ଣ ପିଚ ସମେତ ଆଉଟଫିଲ୍ଡକୁ ଘୋଡାଇ ରଖିବା ଏହି କଭର । ଏହି କଭର ଲଣ୍ଡନରୁ ଆସିବ । ତେଣୁ ବର୍ଷା ଆଶଙ୍କା ଥିଲେ ବି ପଡ଼ିଆ ଓଦା ହେବନାହିଁ । ବାରବାଟିରେ ଗୋଟିଏ ସୁପରସପର ରହିଥିଲେ ବି ଅଷ୍ଟ୍ରେଲିଆରୁ ଆଉ ଗୋଟିଏ ସୁପରସପର ଆସିବ ବୋଲି ଓଡ଼ିଶା କ୍ରିକେଟ ଆସୋସିଏସନ ସମ୍ପାଦକ ସଞ୍ଜୟ ବେହେରା ଏହି ସୂଚନା ଦେଇଛନ୍ତି ।
