ପୁଣେ : ମହାରାଷ୍ଟ୍ର ପୁଣେ ଫ୍ୟାଶନ ଷ୍ଟ୍ରିଟରେ ଅଗ୍ନିକାଣ୍ଡ । ନିଆଁ ଲାଗିବା ମାତ୍ରେ ମାର୍କେଟରେ ପ୍ରବଳ ଧୂଆଁ ଦେଖାଯାଇଥିଲା। ଦମକଳ କର୍ମଚାରୀଙ୍କ ତ୍ୱରିତ କାର୍ଯ୍ୟାନୁଷ୍ଠାନରୁ ନିଆଁକୁ ଆୟତ୍ତ କରାଯାଇଥିଲା। ଅଗ୍ନିକାଣ୍ଡରେ ଫ୍ୟାଶନ ଷ୍ଟ୍ରିଟ ମାର୍କେଟର ଅଧିକାଂଶ ଦୋକାନ ପୋଡି ପାଉଁଶ ହୋଇଯାଇଛି। ଏଯାବତ ନିଆଁ ଲାଗିବାର କାରଣ ଜଣାପଡିନାହିଁ ।
ଗତକାଲି ବିଳମ୍ବିତ ରାତିରେ ମହାରାଷ୍ଟ୍ରର ପୁଣେସ୍ଥିତ ଫ୍ୟାଶନ ଷ୍ଟ୍ରିଟରେ ଥିବା ମାର୍କେଟରେ ନିଆଁ ଲାଗି ଯାଇଥିଲା । ଏଠାରେ ଅଧିକାଂଶ କପଡା ଦୋକାନ ହୋଇଥିବାରୁ ନିଆଁ ଖୁବ ଶୀଘ୍ର ବ୍ୟାପିଯାଇଥିଲା । ଖବର ପାଇ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ହେଲେ ନିଆଁ ଆୟତ୍ତ ହେବା ବେଳକୁ ମାର୍କେଟର ପ୍ରାୟ ୫୦୦ରୁ ଅଧିକ ଛୋଟ ଦୋକାନ ପୋଡି ପାଉଁଶ ହୋଇଯାଇଥିଲା ।