ଆନ୍ଧ୍ରପ୍ରଦେଶ : ବାଇକ ଶୋ ରୁମ୍ ରେ ଅଗ୍ନିକାଣ୍ଡ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ । ଏଭଳି ଘଟଣା ଘଟିଛି ଆନ୍ଧ୍ରପ୍ରଦେଶର ବିଜୟୱାଡାରେ । ଏକ ଟିଭିଏସ୍ ବାଇକ୍ ଶୋ’ ରୁମର ଭୟାନକ ଅଗ୍ନିକାଣ୍ଡରେ ପାଖାପାଖି ୪୫୦ ଗାଡି ପୋଡି ଯାଇଛି । କୋଟି କୋଟି ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି । କେପି ନଗର ଅଞ୍ଚଳ ଦେଇ ଯାଇଥିବା ଚେନ୍ନାଇ-କୋଲକାତା ରାଜପଥ ନିକଟରେ ଥିବା ଏହି ଶୋ’ ରୁମ୍ ରେ ଏହି ସମୟରେ ପାଖାପାଖି ୧ ହଜାର ଗାଡି ରହିଥିବା ଜଣାପଡିଛି । ଶୌଭାଗ୍ୟବଶତଃ ଏଥିରେ କାହାର କୌଣସି ଜୀବନହାନୀ ହୋଇନାହିଁ । ସେପଟେ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି।
