(ଅନୁସ୍ୱୟା)ଭୁବନେଶ୍ୱର: ଯବାନ ଓ ମାଓବାଦୀ ମୁହାଁମୁହିଁ । ସୁରକ୍ଷାବାହିନୀଙ୍କ ଗୁଳିରେ ୫ ଜଣ ମାଓବାଦୀ ଟଳିପଡ଼ିଥିବା ବେଳେ ମାଓବାଦୀଙ୍କ ଗୁଳିରେ ୨ଜଣ ଯବାନ ଆହାତ ହୋଇଛନ୍ତି । ଛତିଶଗଡ଼ ନାରାୟଣପୁର ଅବୁଜମରରେ ପ୍ରାୟ ୪୦ ରୁ ୫୦ ମାଓବାଦୀ ଏକାଠି ହୋଇ ଥିବା ନେଇ ଖବର ମିଳିଥିଲା । ଏହା ପରେ ନଦୀ ପାର ହୋଇ ଯବାନମାନେ ସର୍ଚ୍ଚ ଅପରେସନ୍ ଆରମ୍ଭ କରିଥିଲେ । ଏହି ସମୟରେ ମାଓବାଦୀ ଓ ଯବାନମାନେ ମୁହାଁମୁହିଁ ହୋଇଥିଲେ । ଉଭୟ ପକ୍ଷରୁ ଗୁଳି ବିନିମୟବେଳେ ସୁରକ୍ଷାବାହିନୀଙ୍କ ଏନ୍କାଉଣ୍ଟରରେ ୫ ଜଣ ମାଓବାଦୀ ନିହତ ହୋଇଛନ୍ତି । ସେମାନଙ୍କ ମୃତ ଦେହକୁ ଜବତ କରାଯାଇଛି । ଏହା ସହିତ ଘଟଣା ସ୍ଥଳରୁ ବହୁ ମାଓ ସାମଗ୍ରୀ ଓ ବିସ୍ଫୋରକ ଜବତ କରାଯାଇଛି । ଅନ୍ୟ ମାଓବାଦୀମାନେ ଛତ୍ରଭଙ୍ଗ ଦେଇଛନ୍ତି । ସଂପୃକ୍ତ ଅଂଚଳରେ ସର୍ଚ୍ଚ ଅପରେସନକୁ କଡ଼ାକଡ଼ି କରାଯାଇଛି ।
ସେପଟେ ମାଓବାଦୀଙ୍କ ଗୁଳିରେ ୨ ଜଣ ଯବାନ ମଧ୍ୟ ଗୁରୁତର ହୋଇଛନ୍ତି । ସେମାନଙ୍କୁ ରାୟପୁରକୁ ସ୍ଥାନାନ୍ତର କରାଯିବ ବୋଲି ସୂଚନା ମଳିଛି ।
