କରଞ୍ଜିଆ/ବସନ୍ତ କୁମାର ସୋରେନ: ଗୁଳିରେ ପୁଣି ଜଣେ ଫରେଷ୍ଟର ମୃତ । ଏଭଳି ଅଭାବନୀୟ ଘଟଣା ଘଟିଛି ଶିମିଳିପାଳ ଆଭ୍ୟନ୍ତର ଉପରବାରହାକାମୁଡା ରେଞ୍ଜ ନିକଟରେ ।ଫରେଷ୍ଟର ମାଥି ହାଁସଦା ୧୬ତାରିଖ ପ୍ରାୟ ରାତି୦୨.୩୦ ବେଳକୁ ଶିକାରୀ ଗୁଳିରେ ପ୍ରାଣ ହରାଇଛନ୍ତି । ତାଙ୍କୁ କରଞ୍ଜିଆ ଡାକ୍ତରଖାନା ଅଣାଯାଉଛି ଏବଂ ରାତି ୦୩.୧୫ ରେ ଡାକ୍ତର ମାଥିଙ୍କୁ ମୃତ ଘୋଷଣା କରିଛନ୍ତି ।
ଘଟଣାରୁ ପ୍ରକାଶଯେ ଶିମିଳିପାଳ ସାଉଥ ଡିଭିଜନରେ ୬ ଜଣ ଶିକାରୀ ବନ୍ଧୁକ ସହ ପ୍ରବେଶ କରିଥିବା ବେଳେ ବନ କର୍ମଚାରୀ ମଧ୍ୟ ୬ ଜଣ ଥିଲେ । ଗମଚାଚରଣ ବିଟ ନିକଟରେ ମୁହାଁ ମୁହିଁ ଓ ଗୁଳି ବିନିମୟ ସମୟରେ ଉପରବାରହାକାମୁଡା ଫରେଷ୍ଟରଙ୍କ ଦେହରେ ଲାଗିଥିଲା ଗୁଳି । ସଙ୍ଗେ ସଙ୍ଗେ ତାଙ୍କୁ କରଞ୍ଜିଆ ଉପଖଣ୍ଡ ଚିକିତ୍ସାଳୟକୁ ଅଣାଯାଇଥିଲା ମାତ୍ର ବଞ୍ଚାଯାଇ ପାରିନଥିଲା । ତେବେ ଗୋଟିଏ ବନ୍ଧୁକ ଜବତ କରିଛି ବନ ବିଭାଗ କ୍ଷ ମାତ୍ର ଶିକାରୀଙ୍କୁ ଧରିବା ସମ୍ଭବ ହୋଇନି ।
