ଭିଜିଲାନ୍ସ ଜାଲରେ ଭଦ୍ରକର ପୂର୍ବତନ DSWO ଜୟନ୍ତୀ ବେହେରା

ଭଦ୍ରକ : ଭିଜିଲାନ୍ସ ଜାଲରେ ଭଦ୍ରକର ପୂର୍ବତନ DSWO ଜୟନ୍ତୀ ବେହେରା । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ୧୧ଟି ସ୍ଥାନରେ ଚାଲିଛି ରେଡ୍‌ | ମହିଳା ଓ ଶିଶୁ ବିକାଶ ବିଭାଗରେ କାର୍ଯ୍ୟରତ ଥିଲେ ଜୟନ୍ତୀ ବେହେରା । ବାଲେଶ୍ବର ସହଦେବଖୁଣ୍ଟା ଫିରିଙ୍ଗପାଟଣାରେ ଥିବା ୩ମହଲା କୋଠା, ସିଦ୍ଧେଶ୍ବର କଲୋନୀରେ ଥିବା ୩ ମହଲା କୋଠାରେ ଚାଲିଛି ରେଡ୍ । ଗଣେଶ୍ବରପୁରରେ ନିର୍ମାଣାଧୀନ ୨ମହଲା କୋଠା ଠାବ ହୋଇଛି ।

ବାଲେଶ୍ବରରେ ଥିବା ପୁଅ ରୋହିତ ମଣ୍ଡଳର ଅଫିସ ଚାମ୍ବର, ବାଲେଶ୍ବର ସୁନାହାଟରେ ଥିବା ସମ୍ପର୍କୀୟଙ୍କ ଘର ଓ ଚାଡିଆପୋଲରେ ଥିବା ଜଣେ ସହଯୋଗୀଙ୍କ ଘରେ ଚାଲିଛି ରେଡ୍ । ସେହିପରି ଭଦ୍ରକ ସ୍ଥିତ ଭଡ଼ାଘର, ଅଫିସ ଚାମ୍ବରରେ ଚାଲିଚି ରେଡ୍ । ବାଲେଶ୍ୱର ସୁନହଟରେ ଥିବା ସମ୍ପର୍କୀୟଙ୍କ ଘରେ ଚଢ଼ଉ କରୁଛି ଭିଜିଲାନ୍ସ । ଚଢ଼ଉରେ ଜଣେ ଅତିରିକ୍ତ ଏସପି, ୪ଜଣ ଡିଏସପି, ୮ଜଣ ଇନସିପେକ୍ଟର ସାମିଲ ହୋଇଛନ୍ତି ।