ଲଣ୍ଡନ: ୬୮ ବର୍ଷ ବୟସରେ ତୃତୀୟ ବିବାହ କଲେ ପୂର୍ବତନ ସଲିସିଟର ଜେନେରାଲ ହରିଶ ସାଲଭେ। ଲଣ୍ଡନର ଏକ ବିଳାସପୂର୍ଣ୍ଣ ହାଟେଲରେ ଗର୍ଲଫ୍ରେଣ୍ଡ ତ୍ରିନାଙ୍କୁ ବିବାହ କରିଛନ୍ତି ସାଲଭେ । ପ୍ରତିଷ୍ଠିତ ବହୁ ମାନ୍ୟ ଗଣ୍ୟ ବ୍ୟକ୍ତି ନୀତା ଅମ୍ବାନି, ସୁନୀଲ ମିତଲ, ଲଳିତ ମୋଦି, ଗୋପି ହିନ୍ଦୁଜାଙ୍କ ଭଳି ଅନେକ ବ୍ୟକ୍ତି ସାଲଭେଙ୍କ ବିବାହ ଉତ୍ସବରେ ସାମିଲ ହୋଇଥିଲେ । ତେବେ ସାଲଭେ ପୂର୍ବରୁ ଦୁଇ ଦୁଇ ଥର ବିବାହ କରିସାରିଛନ୍ତି । ସେ ପ୍ରଥମେ ମୀନାକ୍ଷୀ ସାଲଭେଙ୍କୁ ବିବାହ କରିଥିଲେ। ସେମାନଙ୍କର ସାକ୍ଷି ଓ ସାନିଆ ନାମକ ଦୁଇ ଝିଅ ମଧ୍ୟ ଅଛନ୍ତି । ବିବାହର ୩୮ ବର୍ଷ ପରେ ୨୦୨୦ରେ ସେମାନଙ୍କ ବିଚ୍ଛେଦ ହୋଇଥିଲା । ପରେ ସେ ୨୦୨୦ରେ କାରୋଲାଇନ୍ ବ୍ରୋସର୍ଡଙ୍କୁ ବିବାହ କରିଥିଲେ ।