ଗଞ୍ଜାମ ଜିଲ୍ଲା ଭଞ୍ଜନଗର ଥାନା କୃଷ୍ଣନଗର ଗାଁ ନିକଟରେ ଥିବା ପୁରୁଣା କାନ୍ଥ ଭୁଶୁଡ଼ି ଯିବାରୁ ଚାରିଜଣ ଶିଶୁ ଆହତ

ଭଞ୍ଜନଗର (ନଚିକେତ ପ୍ରଧାନ):-ଗଞ୍ଜାମ ଜିଲ୍ଲା ଭଞ୍ଜନଗର ଥାନା କୃଷ୍ଣନଗର ଗାଁ ନିକଟରେ ଥିବା ପୁରୁଣା କାନ୍ଥ ଭୁଶୁଡ଼ି ଯିବାରୁ ଚାରିଜଣ ଶିଶୁ ଆହତ ହୋଇଛନ୍ତି।ଆହତ ଶିଶୁ ମାନେ ହେଲେ ନନ୍ଦିନୀପଲ୍ଲୀ ଗ୍ରାମର ଜମ୍ଭୁ ମୂଳି ଙ୍କ ପୁଅ ରୁସନ୍ ମୁଳି(୪),ନନ୍ଦିନୀ ନାୟକ ବଡ଼ ପୁଅ ରାହୁଲ ନାୟକ(୧୨),ସାନପୁଅ କାଂହା ନାୟକ (୪)ଓ ଝିଅ ଲିପି ନାୟକ(୧୦) ।ସୂଚନା ମୁତାବକ ପରିବାର ସହ ଶିଶୁ ମାନେ ନନ୍ଦିନୀପଲ୍ଲୀ ଗ୍ରାମରୁ କୃଷ୍ଣନଗର ରେ ରହୁଥିବା ସମ୍ପର୍କୀୟଙ୍କ ଘରକୁ ଆସିଥିଲେ।ଘର ନିକଟରେ ଥିବା ପୁରୁଣା କାନ୍ଥ ଉପରେ ଚଢ଼ି ଶିଶୁ ମାନେ ଖେଳୁଥିବା ସମୟରେ କାନ୍ଥଟି ଭୁଶୁଡ଼ି ପଡ଼ିବାରୁ ଶିଶୁ ମାନେ ଆହତ ହୋଇଥିଲେ।ପିଲାଙ୍କ କାନ୍ଦ ଶୁଣି ପରିବାର ଲୋକେ ଘଟଣା ସ୍ଥଳରେ ପହଁଚି ଶିଶୁ ମାନଙ୍କୁ ଉଦ୍ଧାର କରି ଭଞ୍ଜନଗର ମେଡ଼ିକାଲ ରେ ଭର୍ତି କରିଥିଲେ।ସେଠାରେ ଶିଶୁ ମାନଙ୍କ ଚିକିତ୍ସା ଚାଲିଛି।ଚିକିତ୍ସା ପରେ ଶିଶୁ ମାନଙ୍କ ଅବସ୍ଥା ସ୍ଥିର ଥିବା ଡ଼ାକ୍ତର ସୂଚନା ଦେଇଛନ୍ତି।