(କଳାହାଣ୍ଡି ): ମଙ୍ଗଳବାର ଦିନ ଧର୍ମଗଡ଼ ମଡ଼ର୍ଣ୍ଣ +୨ ଆବାସକ କଲେଜରୁ ୭ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ଜଣେ ଅଧ୍ୟାପିକାଙ୍କ ସହ ୬ ଜଣ ଛାତ୍ରଛାତ୍ରୀ ସଂକ୍ରମିତ ହୋଇଥିବା ସୂଚନାମିଳିଛି । ଭବାନୀପାଟଣା ପ୍ରଗତି ଆବାସିକ କଲେଜ ପରେ ଜିଲ୍ଲାର ଏହା ଦ୍ବିତୀୟ କଲେଜ ଯେଉଁଠାରେ ୭ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।ସଂକ୍ରମିତ ଚିହ୍ନଟ ପରେ କଲେଜକୁ ସିଲ୍ କରି ଦିଆଯାଇଛି। ଘରୋଇ କଲେଜରେ ମୋଟ ୧ ହଜାର ଛାତ୍ରଛାତ୍ରୀ ରହିଥିବା ବେଳେ ୨୦୦ରୁ ଅଧିକ ଛାତ୍ରଛାତ୍ରୀଙ୍କର ପରୀକ୍ଷା କରାଯାଉଛି। ଫଳରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ହେବାର ଆଶଙ୍କା ରହିଛି।ସଂକ୍ରମିତମାନଙ୍କୁ କଲେଜ ହଷ୍ଟେଲରେ ୩ଟି ଆଇସୋଲେସନ ଓ୍ବାର୍ଡରେ ରଖି ଚିକିତ୍ସା ଜାରି ରହିଛି ।
