(ରଜନୀକାନ୍ତ ପାତ୍ର)ହିଞ୍ଜିଳିକାଟୁ: ହିଂଜିଳି କାଟୁରେ ସ୍ବାମୀ ଲକ୍ଷ୍ମଣାନନ୍ଦ ସରସ୍ୱତୀଙ୍କ ବଳିଦାନ ଦିବସକୁ ସ୍ମରଣୀୟ କରିବା ପାଇଁ ବଜରଙ୍ଗ ଦଳ ତରଫରୁ ହିଞ୍ଜିଳିକାଟୁ ସ୍ଥିତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ରୋଗୀମାନଙ୍କୁ ଫଳ ବଣ୍ଟନ କରାଯାଇଛି । ଏହି ଅବସରରେ ଯୁବ ସମାଜ ମଧ୍ୟରେ ସେବା ମନୋଭାବ, ନିଷ୍ଠା, ପରୋପକାର ଓ ଉତ୍ତରଦାୟିତ୍ଵ ଗୁଣକୁ ସଂଚାର କରିବା ଲକ୍ଷ୍ୟରେ ବଜରଙ୍ଗ ଦଳ,ଗଞ୍ଜାମ ବିଭାଗ ତରଫରୁ ହିଞ୍ଜିଳିକାଟୁ ପ୍ରଖଣ୍ଡର କାର୍ୟ୍ୟକର୍ତ୍ତା ମାନଙ୍କୁ ନେଇ ଏହି କାର୍ୟ୍ୟକ୍ରମ ଆୟୋଜିତ ହୋଇଥିଲା। ଏଥିରେ ବଜରଙ୍ଗ ଦଳ ଗଞ୍ଜାମ ବିଭାଗର ସଂଯୋଜକ ଗୌତମ ମହାରଣା, ଗଞ୍ଜାମ ଜିଲ୍ଲା ସଂଯୋଜକ ଧର୍ୟ୍ୟଧର ସ୍ବାଇଁ, ରାଷ୍ଟ୍ରୀୟ ସ୍ଵୟଂସେବକ ସଂଘ ଜିଲ୍ଲା କାର୍ୟ୍ୟକାରିଣୀ ସଦସ୍ୟ ହରପ୍ରସାଦ ସ୍ବାଇଁ ଉପସ୍ଥିତ ରହି ରୋଗୀମାନଙ୍କୁ ଫଳ ବଣ୍ଟନ କରିବା ସହିତ କାର୍ୟ୍ୟକର୍ତ୍ତାମାନଙ୍କୁ ସେବାକୁ ଆଦରି ସାମାଜିକ କ୍ଷେତ୍ରରେ ନିଜର କର୍ତ୍ତବ୍ୟକୁ ସୂଚାରୁପେ ତୁଲାଇବା ପାଇଁ ଆହ୍ବାନ କରିଥିଲେ।
