ବଲିଉଡ ସୁପରଷ୍ଟାର ସନି ଦେଓଲ ଓ ଅମିଷା ପଟେଲଙ୍କ ଅଭିନୀତ ଫିଲ୍ମ ‘ଗଦର ୨’ ରିଳଜକୁ ହେବା ଠାରୁ ବହୁ ଚର୍ଚ୍ଚାରେ ରହିଛି । ଗତ କାଲି ରିଲିଜ ହୋଇଥିବା ‘ଗଦର ୨’ ପ୍ରଥମ ଦିନର ରୋଜଗାର ବି ଜବରଦସ୍ତ ହୋଇଛି । ‘ଗଦର ୨’ ପ୍ରଥମ ଦିନରେ ପ୍ରାୟ ୪୦ କୋଟି ରୋଜଗାର କରିଛି ।
୨୨ ବର୍ଷ ପରେ ପୁଣି ସନି ଦେଓଲଙ୍କ ଫିଲ୍ମ ‘ଗଦର ୨’ ହଇଚଇ ସୃଷ୍ଟି କରିଛି । ଏହା ସହିତ ‘ଗଦର ୨’ ଶାହରୁଖ ଖାନ୍ଙ୍କ ଫିଲ୍ମ ‘ପଠାନ୍’ କୁ ଟକ୍କର ଦେଇଛି । ‘ଗଦର ୨’ ଏହି ବର୍ଷର ଦ୍ୱିତୀୟ ବଡ ବଜେଟ୍ ଫିଲ୍ମ । ଏହି ସପ୍ତାହ ସିନେମା ପ୍ରେମୀଙ୍କ ପାଇଁ ଖାସ ରହିଛି । କାରଣ ଫ୍ୟାନ୍ସଙ୍କ ବହୁ ସମୟ ଅପେକ୍ଷାର ଶେଷରେ ଅନ୍ତ ହୋଇଛି । ‘ଗଦର ୨’ ରେ ସନି ଦେଓଲ ତାରା ସିଂ ଚରିତ୍ରରେ ନଜର ଆସିଛନ୍ତି । ଏହିଥର ସନି ଦେଓଲ ଫିଲ୍ମରେ ହ୍ୟାଣ୍ଡପମ୍ପ ଉଚ୍ଛେଦ କରିନାହାନ୍ତି । କେବଳ ଶତ୍ରୁଙ୍କୁ ନଜର ଉଠାଇ ଦେଖିଛନ୍ତି ଆଉ ପାକିସ୍ତାନି ଶତ୍ରୁମାନେ ଡରି ଯାଇଛନ୍ତି । ‘ଗଦର’ ଏକ ଭାବପ୍ରବଣ ଫିଲ୍ମ ଯାହା ଫିଲ୍ମଟିକୁ ଦେଖିଲେ ସ୍ପଷ୍ଟ ଭାବେ ଜଣାପଡୁଛି ।