ଗଦର ୨ବଡ ପରଦାରେ ଆସିବା ପରଠାରୁ ଧୁମ ମଚାଉଛି । ଏହି ଫିଲ୍ମ ନିଜ ନାଁରେ ନୂଆ ନୂଆ ରେକର୍ଡ କରିସାରିଲାଣି । ପ୍ରଥମ ଭାଗ ଭଳି ଦର୍ଶକମାନେ ଦ୍ୱିତୀୟ ଭାଗକୁ ମଧ୍ୟ ବେଶ୍ ଭଲପାଇବା ଦେଇଛନ୍ତି। ଏହି ଫିଲ୍ମ ‘ପଠାନ୍’ ପରେ ୨୦୨୩ର ଦ୍ୱିତୀୟ ସବୁଠାରୁ ବଡ଼ ହିନ୍ଦୀ ହିଟ୍ ସିନେମା ହୋଇଛି। ‘ଗଦର ୨’ ୨୦୦୧ରେ ଆସିଥିବା ଫିଲ୍ମ ‘ଗଦର ଏକ ପ୍ରେମ୍ କଥା’ର ସ୍ୱୀକେଲ୍।
ଏହି ଭିତରେ ଏକ ଖବର ସାମ୍ନାକୁ ଆସିଛି ଆଜିରୁ ସଂସଦର ନୂତନ ଭବନରେ ଦେଖାଯାଇଛି ଗଦର-୨ । ସଂସଦ ଭବନରେ ସଦସ୍ୟମାନଙ୍କ ପାଇଁ ଫିଲ୍ମର ସ୍ପେଶାଲ ସ୍କ୍ରିନିଂ ରଖାଯାଇଛି।
ଏ ନେଇ ଫିଲ୍ମ ନିର୍ମାତା କମ୍ପାନୀ ତରଫରୁ ସୂଚନା ଦିଆଯାଇଛି। କହି ରଖୁଛୁ କି, ତିନି ଦିନ ପର୍ୟ୍ୟନ୍ତ ପୂର୍ବାହ୍ନ ୧୧ଟାରେ ‘ଗଦର ୨’ର ସ୍କ୍ରିନିଂ ହେବ। ତେବେ ଏହି ସମୟରେ ଫିଲ୍ମର କାଷ୍ଟ୍ମାନଙ୍କ ମଧ୍ୟରୁ କେହି ବି ଭବନରେ ଉପସ୍ଥିତ ରହିବେ ନାହିଁ।
ଏକ ରିପୋର୍ଟ ମୁତାବକ, ସଂସଦ ଭବନରେ ଫିଲ୍ମର ସ୍କ୍ରିନିଂକୁ ନେଇ ନିର୍ମାତା ଅନିଲ ଶର୍ମା କହିଛନ୍ତି, ‘ଆମକୁ ଫିଲ୍ମର ସ୍କ୍ରିନିଂ ପାଇଁ ସଂସଦ ତରଫରୁ ଏକ ମେଲ୍ ମିଳିଛି। ମୁଁ ପ୍ରକୃତରେ ସମ୍ମାନିତ ଓ ଭାଗ୍ୟବାନ୍ ମନେ କରୁଛି’।