ମହାରାଷ୍ଟ୍ର: ସେଲଫି ନେବା ବେଳେ ଟିକିଏ ଅବସାବଧାନତା ଯୁବତୀଙ୍କୁ ମହଙ୍ଗା ପଡ଼ିଲା । ଶହେ ଫୁଟ୍ ତଳକୁ ଖସି ପଡ଼ିଲେ ଯୁବତୀ । ସ୍ଥାନୀୟ ଲୋକ ତୁରନ୍ତ ଦେଖି ଯୁବତୀଙ୍କୁ ସୁୂରକ୍ଷିତ ଉଦ୍ଧାର କରିଛନ୍ତି । ସେଲଫି ଆଜିକାଲି ଯୁବପିଢ଼ିଙ୍କ ଗୋେଟ ଫ୍ୟାସନ ହୋଇଗଲାଣୀ । ସେଲଫି ନେବା ବେଳେ ବିପଦପୂର୍ଣ୍ଣ ସ୍ଥାନରେ ସାବଧାନ ରହୁ ନାହାଁନ୍ତି ଯାହା ପାଇଁ ଏଭଳି ଅଘଟଣ ଘଟି ଯାଉଛି ।
ସୂଚନା ଅନୁସାରେ, ଜଣେ ଯୁବତୀ ତାଙ୍କ ସାଙ୍ଗମାନଙ୍କ ସହ ମହାରାଷ୍ଟ୍ର ପୁନେର ସତରାଠାରେ ଥିବା ଏକ ପାହାଡିଆ ଅଞ୍ଚଳ ବୁଲିବାକୁ ଯାଇଥିଲେ। ଏହି ସମୟରେ ପାହାଡର ଉଚ୍ଚ ସ୍ଥାନକୁ ଯାଇ ସେଲଫି ନେଉଥିଲେ। ହଠାତ୍ ଗୋଡ଼ ଖସିଯିବାରୁ ସେ ୧୦୦ ଫୁଟ ଘାଟି ତଳକୁ ଖସି ପଡ଼ିଥିଲେ।
ସ୍ଥାନୀୟ ଲୋକେ ତୁରନ୍ତ ସହାୟତାର ହାତ ବଢାଇଥିଲେ। ଜଣେ ଯୁବକ ଦଉଡ଼ି ସାହାଯ୍ୟରେ ଘାଟି ତଳକୁ ଯାଇ ସେଠାରୁ ଯୁବତୀଙ୍କୁ ସୁରକ୍ଷିତ ଉଦ୍ଧାର କରିଛନ୍ତି। ସୌଭାଗ୍ୟବଶତଃ ଯୁବତୀଙ୍କ ଜୀବନ ରକ୍ଷା ପାଇଯାଇଛି ସତ, କିନ୍ତୁ ତାଙ୍କ ଶରୀରରେ ଏକାଧିକ ଆଘାତ ଲାଗିଛି।