ଭୁବନେଶ୍ୱର: ବେଆଇନ୍ ସୁନା ଚାଲାଣ ଘଟଣାରେ ଡିଆରଆଇକୁ ବଡ ସଫଳତା । ଭୁବନେଶ୍ୱରର ଜଣେ ବ୍ୟବସାୟୀଙ୍କ ଘରୁ ଏହି ବିସ୍କୁଟ୍ ଜବତ ହୋଇଛି । ଗତ ୨ ଦିନ ଧରି ବ୍ୟବସାୟୀଙ୍କ ଘରେ ରେଡ୍ ହୋଇଥିଲା । ରାଜଧାନୀ ଭୁବନେଶ୍ୱରରେ ଜବତ ହୋଇଛି ୨ କେଜି ୪୬୫ ଗ୍ରାମର ସୁନା ବା ପ୍ରାୟ ଅଢେଇ କିଲୋ ସୁନା ବିସ୍କୁଟ୍ । ବିଦେଶରୁ ସୁନା ଚାଲାଣ ବେଳେ ଖବର ପାଇ ଚଢାଉ କରିଥିଲା ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ । ଆଉ ଏହି ଘଟଣାରେ ଜଣଙ୍କୁ ଗିରଫ କରିବା ସହ ପ୍ରାୟ ଅଢେଇ କିଲୋର ସୁନା ଜବତ କରିଛି ଡିଆରଆଇ । ଗିରଫ ପରେ ସମ୍ପୃକ୍ତ ବ୍ୟବସାୟୀଙ୍କୁ ରିମାଣ୍ଡରେ ଅଣାଯାଇଛି ।
