ଭୁବନେଶ୍ୱର: ରାଜଧାନୀରେ ପୁଣି ମାତିଲେ ବାଇକ୍ ଲୁଟେରା। ବନ୍ଧୁକ ଦେଖାଇ ଲୁଟିଲେ ସୁନା ଚେନ ଏବଂ ସୁନା ବ୍ରେଶଲେଟ୍ । ସ୍ଥାନୀୟ ମୈତ୍ରୀ ବିହାର ଥାନାର ଦ୍ୱାରସ୍ଥ ହେଲେ ଲୁଟର ଶିକାର ବ୍ୟକ୍ତି। ମୈତ୍ରୀ ବିହାର ଥାନା ଅନ୍ତର୍ଗତ ବିଡ଼ିଏ କଲୋନୀରେ ଘର ମୁହଁରୁ ହୋଇଛି ଲୁଟ୍। ନିଜ କାମ ସାରି ଘରକୁ ଫେରିବା ସମୟରେ ବିଡ଼ିଏ କଲୋନୀ ଏମ.ଆଇ.ଜି.୨ ରେ ରହୁଥିବା ଅଶୋକ ସ୍ୱାଇଁଙ୍କ ଘର ଭିତରୁ ସୁନା ଚେନ ଏବଂ ସୁନା ବ୍ରେଶଲେଟ୍ ଲୁଟି ନେଇଛନ୍ତି ୩ଜଣ ଲୁଟେରା। ଲୁଟ୍ ବେଳେ ଅଶୋକ ଧସ୍ତାଧସ୍ତି ଓ ପ୍ରତିବାଦ କରିବାରୁ ଦୁର୍ବୃତ ମାନେ ଅଶୋକ ଙ୍କୁ କିଛି ବାଟ ଘୋଷାଡି ନେବା ସହ ତାଙ୍କ ଦେହରେ ବନ୍ଧୁକ ଲଗେଇ ଫେରାର ହୋଇ ଯାଇଥିଲେ। ତେବେ ଖବର ପାଇ ଘଟଣା ସ୍ଥଳେ ପୁଲିସ୍ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଘରେ ପଶି ଏପରି ବନ୍ଧୁକ ଦେଖାଇ ଲୁଟ୍ ମାମଲା ପୁଲିସ୍ କୁ ଅପରାଧୀଙ୍କ ଖୋଲା ଚାଲେଞ୍ଜ ବୋଲି ଚର୍ଚ୍ଚା ହେଉଛି।
