ଧୋନଙ୍କ ଷ୍ଟାଇଲ ହେଉ କିମ୍ବା ତାଙ୍କର ପଡିଆ ଭିତରେ ଖେଳିବାର ଅନ୍ଦାଜ ଏହି ସବୁ ପାଇଁ ସବୁବେଳେ ଚର୍ଚ୍ଚରେ ରୁହନ୍ତି । ତେବେ ଆଜିର ମ୍ୟାଚରେ ଧୋନୀ ଫ୍ୟାନ ଓ ଚେନ୍ନାଇ ସୁପର କିଙ୍ଗ ଫ୍ୟାନ ମାନଙ୍କ ପାଇଁ ଖୁସି ଖବର ଦେଇଛନ୍ତି । ଏଥର ଆଇପିଏଲ୍ ଧୋନୀଙ୍କ ଶେଷ ଆଇପିଏଲ୍ ନୁହେଁ ବୋଲି ନିଜେ କହିଛନ୍ତି ଧୋନୀ ।ଆଜିର ମ୍ୟାଚରେ ମହେନ୍ଦ୍ର ସିଂହ ଧୋନୀ ଟସ୍ ପକାଇବାକୁ ଆସିଥିଲେ । ଆଉ ଟସ୍ ଜିତିବା ପରେ ବୋଲିଂ ନିଷ୍ପତି ନେଇଥିଲେ । ଏହି ଖବର ପରେ ପୁଣି ଚର୍ଚ୍ଚରେ ଆସିଛନ୍ତି ଧୋନି ।
ଟସ୍ ଜିତିବା ପରେ ଧୋନୀ କହିଥିଲେ, ଆପଣ ଭାବି ଦେଇଛନ୍ତି ଏହା ମୋର ଶେଷ ଆଇପିଏଲ୍ ଅଟେ । ହେଲେ ଏ ବିଷୟରେ କିନ୍ତୁ ମୁଁ କିଛି ବି ଚିନ୍ତା କରିନି । ଅର୍ଥାତ ଚଳିତ ବର୍ଷ ଆଇପିଏଲରୁ ଅବସର ନେବା ନେଇ ଧୋନୀ କୌଣସି ବି ପ୍ରକାର ଚିନ୍ତା କରିନଥିବା ସିଧାସିଧା ଉତ୍ତର ଦେଇଥିଲେ ।। ଏଥର ପ୍ରତିଟି ଆଇପିଏଲ୍ ମ୍ୟାଚରେ ଧୋନୀଙ୍କୁ ଦେଖିବାକୁ ସବୁ ଷ୍ଟାଡିୟମରେ ଦର୍ଶକଙ୍କ ଭିଡ ଦେଖିବାକୁ ମିଳୁଛି । ଧୋନୀ ବି ଚେନ୍ନାଇକୁ ସପୋର୍ଟ କରୁଥିବାରୁ, ସବୁ ଫ୍ୟାନ୍ସଙ୍କୁ ଧନ୍ୟବାଦ ଦେଉଛନ୍ତି । ଧୋନୀ ପୁଣିଥରେ ନିଜର ଅବସର କଥାରେ ପୂର୍ଣ୍ଣଚ୍ଛେଦ ଟାଣିବା ଧୋନୀ ଫ୍ୟାନ୍ସଙ୍କୁ ଖୁସି ଆଣିଦେଇଛି ।