ନୂଆଦିଲ୍ଲୀ: ସରା ଦେଶରେ ଆଜିଠାରୁ ଆରମ୍ଭ ହୋଇଛି ହରଘର ତ୍ରିରଙ୍ଗା କାର୍ଯ୍ୟକ୍ରମ । ୭୭ତମ ସ୍ୱାଧୀନତା ଦିବସ ଅବସରରେ ଦେଶର ନାଗରିକ ଭାବେ ନିଜ ଘରେ ଏବଂ ଅଫିସରେ ତ୍ରିରଙ୍ଗା ପତାକାକୁ ସମ୍ମାନ ଦେବାକୁ ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ ନରୋନ୍ଦ୍ର ମୋଦି । ଏହି କାର୍ଯ୍ୟକ୍ରମ ଗତ ବର୍ଷ ଶୁଭାରମ୍ଭ ହୋଇଥିଲା ।
ସୂଚନା ଅନୁଯାୟୀ ଆଜିଠାରୁ ସ୍ୱାଧୀନତା ଦିବସ ପର୍ଯ୍ୟନ୍ତ ସାରା ଦେଶରେ ହର ଘର ତ୍ରିରଙ୍ଗା କ୍ୟାମ୍ପେନ ଜାରି ରହିବ । ନିଜ ଘର ସହିତ ଅଫିସ ଏବଂ କାର୍ଯ୍ୟାଳୟରେ ସ୍ୱାଧୀନତା ଦିବସ ପର୍ଯ୍ୟନ୍ତ ତ୍ରିରଙ୍ଗା ଉଡ଼ାଇବେ ପ୍ରତିଟି ଭାରତୀୟ । ଏ ନେଇ ଆଜି ଦିଲ୍ଲୀର ପ୍ରଗତି ମଇଦାନରୁ ଏକ ‘ହର ଘର ତିରଙ୍ଗା’ ବାଇକି ରାଲି ନିଆଯାଇଛି । ଏହି ରାଲିରେ ଉପରାଷ୍ଟ୍ରପତି ଜଗଦୀପ ଧନଖର ପତାକା ଉତ୍ତୋଳନ କରିଛନ୍ତି ।
