ଭୁବନେଶ୍ୱର/ସରୋଜ ରାଉତ : କମିଶନରେଟ ପୁଲିସକୁ ସଫଳତା। ଗିରଫ ହେଲେ ହାଇଟେକ ଚୋର | ଦୀର୍ଘଦିନ ହେବ କୁରିୟର ସଂସ୍ଥା ନାଁରେ କରୁଥିଲେ ଚୋରି | ବିଭିନ୍ନ ଦାମୀ ଜିନିଷ ବଦଳେ ଦୁପ୍ଲିକେଟ୍ ଜିନିଷ ଦେଇ ଭୁଆଁ ବୁଲାଉଥିଲେ ହାଇଟେକ ଚୋର । ଏ ନେଇ ଚୋରା ଭାବେ ତଦନ୍ତ କରିଥିଲା ପୋଲିସ |
ଶେଷରେ କୁରିୟର କମ୍ପାନୀର 5ଚୋର ଗ୍ୟାଙ୍ଗକୁ ଧରିଲା ପୁଲିସ୍। ଦୁପ୍ଲିକେଟ୍ ସିଲ୍ ବ୍ୟବହାର କରି ଲୁଟୁଥିଲେ ଚୋର। ଡ୍ରାଇଭର, ସିକ୍ୟୁରିଟି ଗାର୍ଡ ଏବଂ କର୍ମଚାରୀ ମିଶି ଚୋରି କରିଥିଲେ ଲକ୍ଷାଧିକ ଟଙ୍କାର ଜିନିଷ। 14ଟି ଦାମୀ ମୋବାଇଲ୍, ଲାପଟପ୍ ଏବଂ ଘରୋଇ ଉପକରଣ ଜିନିଷ ଜବତ୍ କରିବା ସହ 5ଜଣଙ୍କୁ ଗିରଫ କରିଛି ଚନ୍ଦକା ଥାନା ପୁଲିସ୍।