ବଡଚଣା/ ବେଦପ୍ରକାଶ ନାୟକ: ୧୬ନମ୍ବର ଜାତୀୟ ରାଜପଥରେ ରାତି ବସରେ ଜାଉଥିବା ଶତାଧିକ ଯାତ୍ରୀ ହଟହଟା । ବସ ଛାଡି ପଳାଇଲା ଡ୍ରାଇଭର, ଅଧା ରାସ୍ତାରେ ଅଟକି ରହିଲା ବସ । ଅସୁବିଧାରେ ପଡିଲେ ସମସ୍ତ ଯାତ୍ରୀ ।
ସୂଚନା ଅନୁଯାୟୀ, ଆଶୀର୍ବାଦ ନାମକ ଏକ ଘରେଇ ନାଇଟ୍ କୋଚ ବସ ( OD -05-N 1941 ) ଗତ କାଲି ରାତ୍ରି ସମୟରେ କଟକ ଅଭିମୁଖେ ବାହାରି ଥିବା ବେଳେ ୧୬ ନମ୍ୱର୍ ଜାତୀୟ ରାଜପଥ ବଡଚଣା ଓଭର ବ୍ରିଜ ନିକଟରେ ହଠାତ୍ ଠିଆ ହୋଇ ରହି ଥିଲା । ବିଳମ୍ବ ହେବାରୁ ଯାତ୍ରୀ ମାନେ ବିଳମ୍ବ କାହିିଁକି କରୁଛନ୍ତି ବୋଲି ପଚାରି ଥିବା ବେଳେ, ବସ୍ ଡ୍ରାଇଭର ଙ୍କ ସମେତ ସମସ୍ତ କର୍ମଚାରୀ ବସ୍ ଛାଡ଼ି ପଳାଇ ଥିଲେ । ଫଳରେ ଦୁର ଦୁରାନ୍ତରୁ ଆସିଥିବା ଶତାଧିକ ଯାତ୍ରୀ ମାନେ ବିଳମ୍ବିତ ରାତ୍ରୀରେ ନାହିଁ ନ ଥିବା ଅସୁବିଧାରେ ପଡି ଥିବା ଜଣାପଡିଛି । ଖବର ପାଇଁ ୧୬ ନମ୍ୱର୍ ଜାତୀୟ ରାଜପଥର ରାତ୍ରୀକାଳୀନ ପେଟ୍ରିଲିଂ ଭ୍ୟାନ ଘଟଣା ସ୍ଥଳରେ ପହଞ୍ଚି ଘଟଣା ସମ୍ପର୍କରେ ପଚାରିବା ପରେ ବସ ଯାନ୍ତ୍ରିକ ତ୍ରୁଟି ହୋଇ ଥିବା ଜଣାପଡିଥିଲା । ଖବର ପାଇ ବଡଚଣା ପୋଲିସ୍ ଘଟଣା ସ୍ଥଳରେ ପହଞ୍ଚି ଯାତ୍ରୀ ମାନଙ୍କୁ ବୁଝା ଶୁଝା କରିଥିବା ଜଣା ପଡ଼ିଛି।
